Kallaði Poulter litla stelpu

Ian Poulter hefur hrist hressilega upp í golfheiminum með gagnrýni sinni á Tom Watson og Nick Faldo.

Poulter var að gefa út bók í vikunni þar sem goðsagnirnar Watson og Faldo fá vænar sneiðar fyrir frammistöðu sína sem fyrirliðar í Ryder Cup.

Forseti PGA, Ted Bishop, er lítt hrifinn af bók Poulter og lét hann heyra það á samfélagsmiðlunum Twitter og Facebook.

„Árangur Faldo talar sínu máli. Sex risatitlar. Hvað með þig litla stelpa," skrifaði Bishop á Twitter. Hann bætti um betur á Facebook.

„Menn með lélegri árangur eiga ekki að gagnrýna goðsagnir. Í alvöru? Þetta hljómar eins lítil skólastelpa að væla í frímínútum," skrifaði Bishop á Facebook og bætti við á ensku: „C'MON MAN!".

Hann áttaði sig síðar á því að slík ummæli sæma ekki manni í hans stöðu og fjarlægði færslurnar.