Cuba leikur O.J.

Óskarsverðlaunahafinn Cuba Gooding Jr. leikur O.J. Simpson í nýrri tíu þátta míníseríu sem heitir American Crime Story: The People v. O.J. Simpson.

Framleiðandi þáttanna er Ryan Murphy en þetta er fyrsta af nokkrum seríum sem byggja á raunverulegum sakamálum. Í þáttaröðinni um O.J. Simpson verður að sjálfsögðu fjallað um réttarhöldin árið 1995 þar sem O.J. var sakaður um að myrða eiginkonu sína, Nicole Simpson Brown og elskhuga hennar. Verður sagan sögð frá sjónarhorni lögfræðinganna en það er Sarah Paulson sem fer með hlutverk saksóknarans Marciu Clark.

Ásamt Ryan í framleiðandateyminu eru Nina Jacobson, Brad Simpson og Brad Falchuck.