Göngulag Bergur Ebbi Benediktsson skrifar 27. mars 2014 07:00 Hvað eyðir meðalmaður miklu í tískufatnað á ári? 100 þúsund kalli? 200 þúsund kalli? 500 þúsund kalli? Við erum með tísku á heilanum. Allir að reyna að tolla í tískunni, kaupa flott föt, vera með flott hár. Svo skiptir máli að geyma flottu hlutina sína í flottri tösku. Og jafnvel þeir sem hata efnishyggju eru með einhvern annan hégóma: passa sig að lesa töff bækur, hafa töff skoðanir, hugsa töff. Ég er alls ekki að gagnrýna fólk sem vill vera töff. Það er bæði eðlilegt og eftirsóknarvert. En ég held að flestir séu að fókusa á vitlausa hluti. Það eina sem gerir fólk töff er göngulag. Ég hef séð fólk klætt í frotté-jogginggalla með buff á höfði sem er með svo fágað og aðlaðandi göngulag að það hefði hæft hirð Rómanov-ættarinnar. Það skiptir engu máli þó þú keyrir um á Toyota Rav4 (sorrí Rav4-eigendur en þeir eru alls ekki kúl). Það eina sem skiptir máli er göngulag þitt úr bílnum og inn á vinnustaðinn. Allt fólk sem ég hef hrifist af í gegnum tíðina á það sameiginlegt að vera með aðlaðandi göngulag. Fólk á að vinna í göngulagi sínu. Íslendingar eru með búralegt göngulag upp til hópa. Þó erum við langt um skárri en Danir sem vagga um eins og flotbelgir. Fegurst ganga Austur-Evrópubúar. Tuttugasta öldin var þeim erfið. Fyrst voru það nasistarnir og svo kommarnir – en það tókst aldrei að berja úr þeim hið fagra göngulag. Við höfum nóg af fyrirmyndum. Við þurfum til dæmis ekki að ræða swaggið í Nelson Mandela þegar hann tölti úr fangelsinu á Robben-eyju því aðalmálið er að eyða tíma og peningum í þetta. Fara í ræktina og byggja upp góða fótavöðva, kaupa bækur, skoða blogg en fyrst og fremst dæla peningum í alla hluti sem tengjast göngulagi. Ef göngulagsiðnaðurinn er ekki þegar til þá verðum við að búa hann til. Ég krefst þess að fólk hreinlega sturti peningum í þetta viðfangsefni! Viltu birta grein á Vísi? Sendu okkur póst. Senda grein Bergur Ebbi Mest lesið Transumræðan og ruglið um fjölda kynja Einar Steingrímsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun Foreldrar þurfa bara að vera duglegri Björg Magnúsdóttir Skoðun Magga Stína! Helga Völundardóttir Skoðun Leikskólar eru ekki munaður Íris Eva Gísladóttir Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun Dýrkeypt eftirlitsleysi Lilja Björk Guðmundsdóttir Skoðun Svindl eða sjálfsvernd? Sigurður Árni Reynisson Skoðun Lykillinn að hamingju og heilbrigði Skoðun
Hvað eyðir meðalmaður miklu í tískufatnað á ári? 100 þúsund kalli? 200 þúsund kalli? 500 þúsund kalli? Við erum með tísku á heilanum. Allir að reyna að tolla í tískunni, kaupa flott föt, vera með flott hár. Svo skiptir máli að geyma flottu hlutina sína í flottri tösku. Og jafnvel þeir sem hata efnishyggju eru með einhvern annan hégóma: passa sig að lesa töff bækur, hafa töff skoðanir, hugsa töff. Ég er alls ekki að gagnrýna fólk sem vill vera töff. Það er bæði eðlilegt og eftirsóknarvert. En ég held að flestir séu að fókusa á vitlausa hluti. Það eina sem gerir fólk töff er göngulag. Ég hef séð fólk klætt í frotté-jogginggalla með buff á höfði sem er með svo fágað og aðlaðandi göngulag að það hefði hæft hirð Rómanov-ættarinnar. Það skiptir engu máli þó þú keyrir um á Toyota Rav4 (sorrí Rav4-eigendur en þeir eru alls ekki kúl). Það eina sem skiptir máli er göngulag þitt úr bílnum og inn á vinnustaðinn. Allt fólk sem ég hef hrifist af í gegnum tíðina á það sameiginlegt að vera með aðlaðandi göngulag. Fólk á að vinna í göngulagi sínu. Íslendingar eru með búralegt göngulag upp til hópa. Þó erum við langt um skárri en Danir sem vagga um eins og flotbelgir. Fegurst ganga Austur-Evrópubúar. Tuttugasta öldin var þeim erfið. Fyrst voru það nasistarnir og svo kommarnir – en það tókst aldrei að berja úr þeim hið fagra göngulag. Við höfum nóg af fyrirmyndum. Við þurfum til dæmis ekki að ræða swaggið í Nelson Mandela þegar hann tölti úr fangelsinu á Robben-eyju því aðalmálið er að eyða tíma og peningum í þetta. Fara í ræktina og byggja upp góða fótavöðva, kaupa bækur, skoða blogg en fyrst og fremst dæla peningum í alla hluti sem tengjast göngulagi. Ef göngulagsiðnaðurinn er ekki þegar til þá verðum við að búa hann til. Ég krefst þess að fólk hreinlega sturti peningum í þetta viðfangsefni!
Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun
Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun
Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun
Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun