Bullið í honum Þórarni Halla Þórlaug Óskarsdóttir skrifar 16. október 2014 14:30 Fuglaþrugl og naflakrafl Bækur: Fuglaþrugl og naflakrafl Þórarinn Eldjárn – Myndir: Sigrún Eldjárn Vaka-Helgafell Systkinin Sigrún og Þórarinn Eldjárn hafa nú sent frá sér spánnýja myndlýsta ljóðabók fyrir börn, Fuglaþrugl og nafnakrafl. Samstarf þeirra á þessu sviði er landsmönnum vel kunnugt og má sem dæmi nefna bækurnar Óðfluga og Heimsk ringla sem tóku þátt í uppeldi kynslóðarinnar sem nú er farin að stofna fyrirtæki og gefa sjálf út bækur. Þær bækur hafa verið endurútgefnar nokkrum sinnum en vissulega er gleðiefni þegar ný systir fæðist. Fuglaþrugl og naflakrafl er eins og nafnið gefur til kynna stútfull af alls konar bulli. Hugmyndaflug Þórarins virðist óþrjótandi brunnur og það sem honum dettur í hug er með ólíkindum. Oft er eins og ljóðaformið leiði hann áfram, eitt orð kalli á annað og úr verði einhvers konar heilaspuni sem Sigrún tekur svo við og myndlýsir. Augljóst er að bæði hafa þau gaman af leiknum og það skín í gegn við lestur bókarinnar.Þórarinn Eldjárn „Hugmyndaflug Þórarins virðist óþrjótandi brunnur og það sem honum dettur í hug er með ólíkindum.“Fréttablaðið/ValliÞórarinn er hagyrðingur mikill, þekkir bragfræðina inn og út og ætla má að vísurnar velti upp úr honum. Og stundum [nú er ungur gagnrýnandi á hálum ís] er eins og það hafi hreinlega gerst, því sjáanlegur munur er á ljóðunum hvað innihald og framsetningu varðar. En því til varnar má segja að þannig breikki hugsanlega lesendahópur bókarinnar, einföldustu ljóðin höfða ekki til foreldranna og orðaflækjur hinna flóknustu kunna börnin kannski ekki jafn vel að meta. Glettni og gamansemi einkenna ljóðin umfram annað. Þórarinn er, líkt og flestir vita, afar vel máli farinn og hann hefur líka skoðanir á málfari landans – ja eða öllu heldur dýranna – en hvimleið þykir honum lenska sú að haninn segi gaggalagú og kýrnar segi mu, því hið rétta sé að sjálfsögðu að kýrnar segi MÖ og haninn gaggalagÓ. Sjálfur leikur hann sér með málið og er óhræddur við að nota slangur og styttingar, en þar hann hefur vissulega margt til síns máls. Orð eins og „sneddí“ er tilbrigði við málið sem ætti ekki að deyja út ógleymt, þrátt fyrir að vera ekki skjalfest og þinglýst í Íslenskri orðabók.Niðurstaða: Ljóðabókin, uppfull af hugarórum og heilaspuna, er tilvalin til að auka orðaforða barna og kynna bragfræðina fyrir þeim. Einstök glettni í orðum og myndum. Gagnrýni Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Skilin að borði og sæng eftir 28 ára hjónaband Lífið Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið Útbjó lágkolvetna prógram fyrir systur sína sem léttist strax og fékk meiri orku Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Bækur: Fuglaþrugl og naflakrafl Þórarinn Eldjárn – Myndir: Sigrún Eldjárn Vaka-Helgafell Systkinin Sigrún og Þórarinn Eldjárn hafa nú sent frá sér spánnýja myndlýsta ljóðabók fyrir börn, Fuglaþrugl og nafnakrafl. Samstarf þeirra á þessu sviði er landsmönnum vel kunnugt og má sem dæmi nefna bækurnar Óðfluga og Heimsk ringla sem tóku þátt í uppeldi kynslóðarinnar sem nú er farin að stofna fyrirtæki og gefa sjálf út bækur. Þær bækur hafa verið endurútgefnar nokkrum sinnum en vissulega er gleðiefni þegar ný systir fæðist. Fuglaþrugl og naflakrafl er eins og nafnið gefur til kynna stútfull af alls konar bulli. Hugmyndaflug Þórarins virðist óþrjótandi brunnur og það sem honum dettur í hug er með ólíkindum. Oft er eins og ljóðaformið leiði hann áfram, eitt orð kalli á annað og úr verði einhvers konar heilaspuni sem Sigrún tekur svo við og myndlýsir. Augljóst er að bæði hafa þau gaman af leiknum og það skín í gegn við lestur bókarinnar.Þórarinn Eldjárn „Hugmyndaflug Þórarins virðist óþrjótandi brunnur og það sem honum dettur í hug er með ólíkindum.“Fréttablaðið/ValliÞórarinn er hagyrðingur mikill, þekkir bragfræðina inn og út og ætla má að vísurnar velti upp úr honum. Og stundum [nú er ungur gagnrýnandi á hálum ís] er eins og það hafi hreinlega gerst, því sjáanlegur munur er á ljóðunum hvað innihald og framsetningu varðar. En því til varnar má segja að þannig breikki hugsanlega lesendahópur bókarinnar, einföldustu ljóðin höfða ekki til foreldranna og orðaflækjur hinna flóknustu kunna börnin kannski ekki jafn vel að meta. Glettni og gamansemi einkenna ljóðin umfram annað. Þórarinn er, líkt og flestir vita, afar vel máli farinn og hann hefur líka skoðanir á málfari landans – ja eða öllu heldur dýranna – en hvimleið þykir honum lenska sú að haninn segi gaggalagú og kýrnar segi mu, því hið rétta sé að sjálfsögðu að kýrnar segi MÖ og haninn gaggalagÓ. Sjálfur leikur hann sér með málið og er óhræddur við að nota slangur og styttingar, en þar hann hefur vissulega margt til síns máls. Orð eins og „sneddí“ er tilbrigði við málið sem ætti ekki að deyja út ógleymt, þrátt fyrir að vera ekki skjalfest og þinglýst í Íslenskri orðabók.Niðurstaða: Ljóðabókin, uppfull af hugarórum og heilaspuna, er tilvalin til að auka orðaforða barna og kynna bragfræðina fyrir þeim. Einstök glettni í orðum og myndum.
Gagnrýni Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Skilin að borði og sæng eftir 28 ára hjónaband Lífið Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið Útbjó lágkolvetna prógram fyrir systur sína sem léttist strax og fékk meiri orku Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira