Snilldartaktar Slash í Höllinni Freyr Bjarnason skrifar 8. desember 2014 19:00 Gamla góða efnið stóð upp úr hjá Slash. Vísir/Andri Marinó Tónleikar Slash ásamt Myles Kennedy og The Conspirators Laugardalshöll 6. desember Marga Íslendinga sem hlustuðu á Guns N"Roses á níunda áratugnum og í byrjun þess tíunda dreymdi vafalítið um að sjá hana einhvern tímann á sviði hér á landi, eins og hún var skipuð á þeim tíma. Þeim varð aldrei að ósk sinni en fengu líklega það næstbesta í Höllinni á laugardagskvöld. Guns N"Roses er reyndar enn starfandi með söngvarann Axl Rose einan eftir í kotinu en rokksveitin er ekki svipur hjá sjón. Gítarleikarinn Slash hefur aftur á móti ekki setið auðum höndum, heldur gefið út slatta af plötum, nú síðast með söngvaranum Myles Kennedy og The Conspirators. Á tónleikunum tóku Slash og félagar eigin lög, lög frá sólóferli Slash og svo gömul og góð Guns N"Roses-lög en af lögunum 22 sem hljómuðu voru átta úr smiðju GNR (og reyndar eitt frá Velvet Revolver). Aðdáendur Guns N"Roses voru ekki sviknir því flutningurinn á því efni var mjög góður. Flottur söngur Kennedy (sem minnti mjög á Rose) og magnaður gítarleikur Slash skipti þar höfuðmáli. Lög á borð við Sweet Child O"Mine og lokalagið Paradise City kveiktu í salnum svo um munaði, en önnur lög fengu misgóð viðbrögð. Sum voru þau prýðileg en önnur undir meðallagi. Undir langflestum þeirra hljómaði Guns N"Roses-legur gítarleikur Slash, formúla sem hann sér ekki ástæðu til að breyta mikið. Slash var duglegur við að stíga fremst á sviðið og taka gítarsóló í miðjum lögum á meðan Kennedy dró sig í hlé. Gítarleikarinn var í fínu formi og sýndi og sannaði hvað eftir annað hvers hann er megnugur, þar á meðal í gítarsólói sem virtist engan endi ætla að taka í Guns N"Roses laginu Rocket Queen. Gaman var að heyra strákana eftir uppklapp flytja Immigrant Song eftir Led Zeppelin, „sérstaklega fyrir ykkur“ eins og þeir tilkynntu íslensku áhorfendunum, áður en talið var í hið ódauðlega Paradise City. Þetta voru síðustu tónleikar Slash og félaga á langri tónleikaferð og þakkaði kempan íslensku áhorfendunum kærlega fyrir sig á sama tíma og hann skutlaði gítarnöglum út í salinn skömmu áður en hann hvarf á braut, að sjálfsögðu með svarta hattinn sinn á höfðinu. Freyr BjarnasonNiðurstaða: Skemmtilegir rokktónleikar þar sem gömlu, góðu Guns N"Roses-lögin stóðu upp úr. Gagnrýni Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Tónleikar Slash ásamt Myles Kennedy og The Conspirators Laugardalshöll 6. desember Marga Íslendinga sem hlustuðu á Guns N"Roses á níunda áratugnum og í byrjun þess tíunda dreymdi vafalítið um að sjá hana einhvern tímann á sviði hér á landi, eins og hún var skipuð á þeim tíma. Þeim varð aldrei að ósk sinni en fengu líklega það næstbesta í Höllinni á laugardagskvöld. Guns N"Roses er reyndar enn starfandi með söngvarann Axl Rose einan eftir í kotinu en rokksveitin er ekki svipur hjá sjón. Gítarleikarinn Slash hefur aftur á móti ekki setið auðum höndum, heldur gefið út slatta af plötum, nú síðast með söngvaranum Myles Kennedy og The Conspirators. Á tónleikunum tóku Slash og félagar eigin lög, lög frá sólóferli Slash og svo gömul og góð Guns N"Roses-lög en af lögunum 22 sem hljómuðu voru átta úr smiðju GNR (og reyndar eitt frá Velvet Revolver). Aðdáendur Guns N"Roses voru ekki sviknir því flutningurinn á því efni var mjög góður. Flottur söngur Kennedy (sem minnti mjög á Rose) og magnaður gítarleikur Slash skipti þar höfuðmáli. Lög á borð við Sweet Child O"Mine og lokalagið Paradise City kveiktu í salnum svo um munaði, en önnur lög fengu misgóð viðbrögð. Sum voru þau prýðileg en önnur undir meðallagi. Undir langflestum þeirra hljómaði Guns N"Roses-legur gítarleikur Slash, formúla sem hann sér ekki ástæðu til að breyta mikið. Slash var duglegur við að stíga fremst á sviðið og taka gítarsóló í miðjum lögum á meðan Kennedy dró sig í hlé. Gítarleikarinn var í fínu formi og sýndi og sannaði hvað eftir annað hvers hann er megnugur, þar á meðal í gítarsólói sem virtist engan endi ætla að taka í Guns N"Roses laginu Rocket Queen. Gaman var að heyra strákana eftir uppklapp flytja Immigrant Song eftir Led Zeppelin, „sérstaklega fyrir ykkur“ eins og þeir tilkynntu íslensku áhorfendunum, áður en talið var í hið ódauðlega Paradise City. Þetta voru síðustu tónleikar Slash og félaga á langri tónleikaferð og þakkaði kempan íslensku áhorfendunum kærlega fyrir sig á sama tíma og hann skutlaði gítarnöglum út í salinn skömmu áður en hann hvarf á braut, að sjálfsögðu með svarta hattinn sinn á höfðinu. Freyr BjarnasonNiðurstaða: Skemmtilegir rokktónleikar þar sem gömlu, góðu Guns N"Roses-lögin stóðu upp úr.
Gagnrýni Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira