Cara vinnur að tónlist með Nile Rodgers

Ritstjórn skrifar 24. júní 2015 17:45

Tónlistarmaðurinn góðkunni Nile Rodgers ku vera að aðstoða fyrirsætuna Cöru Delevingne að taka upp sína fyrstu plötu.

Cara hefur hingað til verið hvað best þekkt fyrir sigra sína í fyrirsætuheiminum en sögusagnir hafa verið að ganga þess efnis að hún ætli að leggja þann feril á hilluna til að einbeita sér að leiklistinni og greinilega tónlistinni líka. Þessa dagana er hún að kynna myndina Paper Town þar sem hún fer með aðalhlutverkið ásamt leikaranum Nat Wolf en hún er með hlutverk í sjö öðrum kvikmyndum sem eru frumsýndar á þessu ári og næsta.

Það verður forvitnilegt að fylgjast með tónlistarferli Cöru en Nile Rodgers ber henni vel söguna í viðtali við The Sun og segir alvöru rokkara vera í fæðingu. Samkvæmt Instagramreikning fyrirsætunnar eru þau orðnir góðir vinir.