Heimagert majónes

Ef leitast er eftir því að minnka sykurinn þá er þjóðráð að kíkja á innihaldslýsingar keyptra sósa úr búðum, oftar en ekki er sykur þriðja eða fjórða hráefnið í slíkum vörum.

Dæmi um slíkt er majónes.

Nú eru margir á farandsfæti um landið og eflaust eitt salat eða sósa með í för sem inniheldur majónes. Það að ferðast um landið þarf ekki að þýða óhollusta þó löngun í kremað salat gerir vart við sig.

Það er leikur einn að hræra saman heimagert majónes, án alls sykurs og annarra sætuefni.

Hér er uppskrift að heimagerðu majónesi fengin frá vefsíðunni Vinotek.

Innihald:

• 3 egg
• 2 vænar msk Dijon-sinnep - má sleppa, það er hunang í dijon sinnepi
• 6 dl matarolía 
• safi úr hálfri sítrónu (ca 0,5 dl)
• salt og pipar

Aðferð

Setjið egg og sinnep í matvinnsluvél og hrærið vel saman.

Hellið olíunni smám saman út í og látið vélina þeyta allan tímann.

Blandan fer að þykkna mjög hratt.

Bætið sítrónusafanum út í.

Bragðið til með salti og pipar.