Hraðþingið Fanney Birna Jónsdóttir skrifar 19. nóvember 2015 07:00 Almenn samstaða virðist vera um það hjá óbreyttum þingmönnum að þeir hafi lítið sem ekkert að gera. Í umræðum á Alþingi fyrir skemmstu var um það rætt undir liðnum fundarstjórn forseta að margar þingnefndir hefðu of lítið að gera sem setti þingmál í uppnám. Þingmenn stjórnarandstöðu komu upp í pontu hver á fætur öðrum og gagnrýndu verklagið, að framan af vetri væri ládeyða yfir þingstarfinu en þegar nær dregur þinglokum væru mál unnin á hundavaði. Sigríður Ingibjörg Ingadóttir, þingmaður Samfylkingarinnar, sagði niðurstöðuna geta orðið hraðmeðferð þannig að frumvörp yrðu ólög en ekki lög. Birgitta Jónsdóttir Pírati tók í sama streng og sagði farið fram á að þingmenn afgreiddu lög blindandi á lokametrunum. Athygli vakti að meðal þeirra sem tóku til máls var þingmaður Framsóknarflokks og formaður fjárlaganefndar, Vigdís Hauksdóttir. Vigdís sagðist sammála málflutningi stjórnarandstöðunnar og að þingið væri varla starfhæft. Nú eru aðeins ellefu þingdagar þar til þingið fer í jólafrí. Í Fréttablaðinu í dag er greint frá því að önnur umræða fjárlagafrumvarpsins muni ekki fara fram í þingsal í næstu viku eins og áætlun þingsins gerði ráð fyrir. Ástæðan er sú að frumvarpið mun ekki berast fjárlaganefnd í tæka tíð svo hægt sé að vinna það fyrir þann tíma. Áður hefur blaðið greint frá því að aðeins 29 þingmál ríkisstjórnarinnar eru komin til þingsins en áætlað var að afgreiða 129 mál fyrir jólafrí. Vigdís segir að starfsáætlun þingsins sé alltaf sett upp en aldrei takist að standa við hana. Staðan var eins í vor þegar þinglok voru yfirvofandi. Ekkert bólaði á stórum málum. Í apríl sagði Bjarni Benediktsson fjármálaráðherra að þingið hefði oft staðið frammi fyrir því að allt að 100 mál væru óafgreidd þegar jafnvel vika eða tíu dagar væru eftir af þingstörfum. Forseti þingsins hefur síðan hvatt til agaðri vinnubragða. Raunar er þessi umræða eins áreiðanleg og sólarupprásin þegar líða fer að jólum og sumri. Lítið hefur gerst framan af en svo fer allt á fullt og málin eru afgreidd hvert á fætur öðru, oft á örfáum dögum. Þessi staða sýnir tvennt. Annars vegar það hversu hlægilega lítils löggjafarvaldið má sín gegn framkvæmdavaldinu og hins vegar það hversu mikil völd embættismenn innan ráðuneytanna hafa. Það er dagljóst að ráðherrarnir eða aðstoðarmenn þeirra skrifa ekki frumvörp sem lögð eru fyrir þingið sjálfir. Það eru því starfsmenn ráðuneytanna sem virðast vera að draga lappirnar, sem síðan er að sjálfsögðu á ábyrgð ráðherranna. Við upphaf hvers þings er lögð fram þingmálaskrá og áætlun sem síðan aldrei stenst. Það sér hver maður að afgreiðsla á 100 málum á viku er óðs manns æði. Það er löngu ljóst að þessu þarf að breyta. Mætti jafnvel setja slíkar breytingar á þingmálaskrá – til hraðafgreiðslu fyrir þinglok? Viltu birta grein á Vísi? Sendu okkur póst. Senda grein Fanney Birna Jónsdóttir Mest lesið Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir Skoðun Skapandi menntun skilar raunverulegum árangri Bryngeir Valdimarsson Skoðun Sex ára sáttmáli Davíð Þorláksson Skoðun Heiðursgestur Viðreisnar vill heimsveldi Hjörtur J. Guðmundsson Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Styrkjum stöðu leigjenda Kristján Þórður Snæbjarnarson Skoðun
Almenn samstaða virðist vera um það hjá óbreyttum þingmönnum að þeir hafi lítið sem ekkert að gera. Í umræðum á Alþingi fyrir skemmstu var um það rætt undir liðnum fundarstjórn forseta að margar þingnefndir hefðu of lítið að gera sem setti þingmál í uppnám. Þingmenn stjórnarandstöðu komu upp í pontu hver á fætur öðrum og gagnrýndu verklagið, að framan af vetri væri ládeyða yfir þingstarfinu en þegar nær dregur þinglokum væru mál unnin á hundavaði. Sigríður Ingibjörg Ingadóttir, þingmaður Samfylkingarinnar, sagði niðurstöðuna geta orðið hraðmeðferð þannig að frumvörp yrðu ólög en ekki lög. Birgitta Jónsdóttir Pírati tók í sama streng og sagði farið fram á að þingmenn afgreiddu lög blindandi á lokametrunum. Athygli vakti að meðal þeirra sem tóku til máls var þingmaður Framsóknarflokks og formaður fjárlaganefndar, Vigdís Hauksdóttir. Vigdís sagðist sammála málflutningi stjórnarandstöðunnar og að þingið væri varla starfhæft. Nú eru aðeins ellefu þingdagar þar til þingið fer í jólafrí. Í Fréttablaðinu í dag er greint frá því að önnur umræða fjárlagafrumvarpsins muni ekki fara fram í þingsal í næstu viku eins og áætlun þingsins gerði ráð fyrir. Ástæðan er sú að frumvarpið mun ekki berast fjárlaganefnd í tæka tíð svo hægt sé að vinna það fyrir þann tíma. Áður hefur blaðið greint frá því að aðeins 29 þingmál ríkisstjórnarinnar eru komin til þingsins en áætlað var að afgreiða 129 mál fyrir jólafrí. Vigdís segir að starfsáætlun þingsins sé alltaf sett upp en aldrei takist að standa við hana. Staðan var eins í vor þegar þinglok voru yfirvofandi. Ekkert bólaði á stórum málum. Í apríl sagði Bjarni Benediktsson fjármálaráðherra að þingið hefði oft staðið frammi fyrir því að allt að 100 mál væru óafgreidd þegar jafnvel vika eða tíu dagar væru eftir af þingstörfum. Forseti þingsins hefur síðan hvatt til agaðri vinnubragða. Raunar er þessi umræða eins áreiðanleg og sólarupprásin þegar líða fer að jólum og sumri. Lítið hefur gerst framan af en svo fer allt á fullt og málin eru afgreidd hvert á fætur öðru, oft á örfáum dögum. Þessi staða sýnir tvennt. Annars vegar það hversu hlægilega lítils löggjafarvaldið má sín gegn framkvæmdavaldinu og hins vegar það hversu mikil völd embættismenn innan ráðuneytanna hafa. Það er dagljóst að ráðherrarnir eða aðstoðarmenn þeirra skrifa ekki frumvörp sem lögð eru fyrir þingið sjálfir. Það eru því starfsmenn ráðuneytanna sem virðast vera að draga lappirnar, sem síðan er að sjálfsögðu á ábyrgð ráðherranna. Við upphaf hvers þings er lögð fram þingmálaskrá og áætlun sem síðan aldrei stenst. Það sér hver maður að afgreiðsla á 100 málum á viku er óðs manns æði. Það er löngu ljóst að þessu þarf að breyta. Mætti jafnvel setja slíkar breytingar á þingmálaskrá – til hraðafgreiðslu fyrir þinglok?
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun