Crostini brauðsnittur - þrjár tegundir

Sjónvarpskokkurinn Eyþór Rúnarsson gefur gómsætar uppskriftir á Stöð 2 fram að jólum. Hér er uppskrift að snittum sem henta vel um áramót.

Crostini brauðsnittur 

Ca. 20 stk

1 stk. stórt baquette brauð(bakað)

Góð extra virgin ólífuolía 

sjávarsalt 

svartur pipar úr kvörn

Skerið brauðið í ca. 1 cm þykkar sneiðar og raðið á bökunarplötu. Penslið brauðið með ólífuolíu og kryddið það með salti og pipar. Setjið brauðið inn í 180 gráðu heitan ofninn í 6-7 mín. Takið út úr ofninum og látið kólna.

-----

Hreindýrasnitta með piparrótardressingu cheddarosti og grænum eplum

Hreindýratartar

200 g hreindýrakjöt sinalaust (smátt skorið) 

1 stk. fínt skorinn skallotlaukur 

½ grænt epli (skrælt og skorið í litla teninga)

1 stk. sýrð smágúrka (fínt skorin)

1 msk. dill (fínt skorið)

20 stk. crostini brauðsnittur 

íssalat 

sjávarsalt 

svartur pipar úr kvörn

Setjið allt hráefnið saman í skál og smakkið til með saltinu og piparnum. Setjið piparrótardressingu á brauðsnittuna og salatblað ofan á það. Ofan á salatblaðið er sett ca. 1 msk. af tartarnum, því næst smá sósa og 1 dilltopp í lokin.

Piparrótardressing 

½ dós 18% sýrður rjómi 

2 msk. majónes 

1 msk. fínt rifinn fersk piparrót 

1 msk. Worcestershire sósa 

ferskur sítrónusafi 

fínt salt

Setjið allt hráefnið saman í skál og blandið því vel saman smakkið til með sítrónusafanum og saltinu.

------

Steiktur humar á crostini með engferchilisultu

20 stk pillaðir humarhalar

ólífuolía 

40 g smjör 

20 stk. crostini brauðsnittur 

klettasalat

sjávarsalt

Hitið pönnu með ólífuolíu og steikið humarinn í ca 2 min og snúið honum svo við og bætið smjörinu út á pönnuna. Ausið smjörinu yfir humarinn og steikið í 2 min í viðbót og kryddið með salti. Setjið humarinn á eldhúsrúllu og þerrið hann. Setjið klettasalatið á brauðsnittuna og svo humarinn ofan á það bætið, næst engiferchilisultunni ofan á og skerið svo í lokinn smá klettaslat fínt og bætið ofan á sultuna.

Engifer-chili sulta

500 g tómatar (gróft saxaðir)

4 stk. rauður chili (saxaðir fína strimlar)

3 stk. hvítlaukur (fínt saxaðir)

1 tsk. lemongrass paste 

1 þumlungur engifer (fínt saxað)

50 ml rauðvínsedik

300 g hrásykur

1 stk. stjörnuanís

1 tsk. pektin (sultuhleypir)

Allt sett í pott og soðið þar til sultan fer að þykkna og setjið inn í ísskáp og látið kólna.

-----

Steikt andalifur með fennelsultu

1 stk. fennel 

1/2 hvítur laukur 

4 stk. apríkósur

1 stk. stjörnuanis 

1 stk. kardimomma 

2 stk. negulnaglar 

150 g eplaedik 

70 g hrásykur 

Skerið fennelið og laukinn gróft niður og setjið í pott með öllu hinu hráefninu. Sjóðið saman í 30 mín eða þar til allt er orðið mjúkt undir tönn. Takið kryddin úr pottinum og setjið í skál og látið sultuna kólna.

Meðlæti á snittu 

7 stk. andalifrar steikur 

8 msk. hveiti

4 msk. granateplakjarnar 

4 msk. pistasíur (ristaðar í 150° í 20 mín.) 

1 lúka klettasalat 

20 stk. brauðsnittur 

1 msk. truffluolía 

ólífuolía til steikingar 

Hitið pönnu með ólífuolíu á, veltið andalifrinni upp úr hveitinu og setjið á pönnuna og steikið í ca. 2 mín á hvorri hlið. Setjið klettasalatið á snittuna og leggið svo andalifrina þar ofan á. Bætið því næst fennelsultunni ofan á. 

Blandið saman granateplakjörnunum og pistasíunum og setjið ca. 1 msk. af truffluolíunni yfir og blandið öllu saman og setjið á toppinn á snittunni.