Þetta fannst mér um skaupið Atli Fannar Bjarkason skrifar 8. janúar 2015 07:00 Ég andaði léttar þegar það var samið við lækna enda vil ég að þeir séu með frábær laun og stórkostlega vinnuaðstöðu. Mér finnst hins vegar ósanngjarnt af þeim að bera kjör sín saman við kjör kollega sinna í nágrannaríkjunum. Við erum öll í sömu stöðu. Þess vegna vonaði ég að deila þeirra við stjórnvöld snerist minna um peninga og meira um aðstöðu, vinnutíma og framtíðarsýn. Mér finnst krafa Þjóðkirkjunnar um að fá 660 milljónir upp í niðurskurð síðustu ára fyrst og fremst taktlaus. Hún er líka ótrúleg, ósvífin og ógeðsleg. Kirkjan skar niður eftir hrun en það eru samt messur úti um allt á hverjum sunnudegi. Þjóðkirkjan getur skorið fjölda messa niður í eina, kallað hana fjarmessu og auglýst þægindin sem eru fólgin í að fara í messu heima hjá sér. Það er skemmtilegt fólk í Samfylkingunni en Árni Páll Árnason má ekki heyra Bjarna Benediktsson freta án þess að hann tjái sig í fjölmiðlum um lyktina. Ég er reyndar enn þá að bíða eftir að hann gagnrýni harðlega þessa afmælisköku sem Bjarni skreytti um daginn. Sjálfstæðisflokkurinn er vonlaust fyrirbæri með haug af töff meðlimum sem setja putta í eyrun þegar Ásmundur Friðriksson talar. Píratar eru hins vegar með Helga Hrafn Gunnarsson sem er uppáhaldsþingmaðurinn minn fyrir utan Óttarr Proppé. Ég tek því sem er að gerast á DV ekki persónulega og mér finnst Kók betra en Pepsi, Nike meira töff en Adidas, held með Liverpool í ensku og Tindastóli í körfunni. Ég skrifa þetta á Macbook en nota LG síma, mér finnst Twitter skemmtilegra en Facebook og hef aldrei prófað Tinder. Ég versla meira í Bónus en Krónunni en kaupi hamborgara í Víði þótt ég myndi reyndar borða pitsu í öll mál ef það væri samfélagslega samþykkt. En mér fannst hins vegar skaupið ekki nógu gott og það hefur ekkert að gera með ofangreindar skoðanir. Mér fannst það bara ekki nógu fyndið. Viltu birta grein á Vísi? Sendu okkur póst. Senda grein Atli Fannar Bjarkason Mest lesið Pólitískt hugrekki og pólitískt hugleysi: ólík stefna tveggja systurflokka Birgir Finnsson Skoðun Sættir þú þig við þetta? Jón Pétur Zimsen Skoðun Sniðgangan á Rapyd slær öll met Björn B. Björnsson Skoðun Augnablikið Magnús Jóhann Hjartarson Skoðun Það þarf ekki að biðjast afsökunar á því að segja satt Þórður Snær Júlíusson Skoðun Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir Skoðun Tölum um stóra valdaframsalsmálið Hjörtur J. Guðmundsson Skoðun Alþingi gleymir aftur fötluðum börnum Lúðvík Júlíusson Skoðun Gott frumvarp, en hvað með verklagið? Bogi Ragnarsson Skoðun Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson Skoðun
Ég andaði léttar þegar það var samið við lækna enda vil ég að þeir séu með frábær laun og stórkostlega vinnuaðstöðu. Mér finnst hins vegar ósanngjarnt af þeim að bera kjör sín saman við kjör kollega sinna í nágrannaríkjunum. Við erum öll í sömu stöðu. Þess vegna vonaði ég að deila þeirra við stjórnvöld snerist minna um peninga og meira um aðstöðu, vinnutíma og framtíðarsýn. Mér finnst krafa Þjóðkirkjunnar um að fá 660 milljónir upp í niðurskurð síðustu ára fyrst og fremst taktlaus. Hún er líka ótrúleg, ósvífin og ógeðsleg. Kirkjan skar niður eftir hrun en það eru samt messur úti um allt á hverjum sunnudegi. Þjóðkirkjan getur skorið fjölda messa niður í eina, kallað hana fjarmessu og auglýst þægindin sem eru fólgin í að fara í messu heima hjá sér. Það er skemmtilegt fólk í Samfylkingunni en Árni Páll Árnason má ekki heyra Bjarna Benediktsson freta án þess að hann tjái sig í fjölmiðlum um lyktina. Ég er reyndar enn þá að bíða eftir að hann gagnrýni harðlega þessa afmælisköku sem Bjarni skreytti um daginn. Sjálfstæðisflokkurinn er vonlaust fyrirbæri með haug af töff meðlimum sem setja putta í eyrun þegar Ásmundur Friðriksson talar. Píratar eru hins vegar með Helga Hrafn Gunnarsson sem er uppáhaldsþingmaðurinn minn fyrir utan Óttarr Proppé. Ég tek því sem er að gerast á DV ekki persónulega og mér finnst Kók betra en Pepsi, Nike meira töff en Adidas, held með Liverpool í ensku og Tindastóli í körfunni. Ég skrifa þetta á Macbook en nota LG síma, mér finnst Twitter skemmtilegra en Facebook og hef aldrei prófað Tinder. Ég versla meira í Bónus en Krónunni en kaupi hamborgara í Víði þótt ég myndi reyndar borða pitsu í öll mál ef það væri samfélagslega samþykkt. En mér fannst hins vegar skaupið ekki nógu gott og það hefur ekkert að gera með ofangreindar skoðanir. Mér fannst það bara ekki nógu fyndið.
Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir Skoðun
Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson Skoðun
Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir Skoðun
Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson Skoðun