Allsber á röngum tíma Pawel Bartoszek skrifar 20. júní 2015 07:00 Hópur ungs fólks klifraði upp á fjall í Malasíu, striplaðist og setti myndir af því á netið. Skömmu síðar kom jarðskjálfti. Fólk dó. Mannskepnan kann að greina mynstur og einhverjir eru sagðir hafa tengt saman: Túristar að stripla => Andar reiðir => Jörð skelfur => Fólk deyr. Ein þessara tenginga er nokkuð rökföst. Hinar tvær eru það ekki. Í öllum samfélögum getur fólk lent í því að vera gripið berrassað á röngum stað og á röngum tíma. Sjálfur er ég kannski bara heppinn. Ég vann ekki í banka fyrir hrun og þótt margir vina minna hafi gert það hef ég sem betur fer ekki þurft að heimsækja neinn þeirra upp á Kvíabryggju. Mín kynslóð var kannski ekki orðin nægilega valdamikil 2008. Við vorum vissulega á leiðinni upp fjallið en samt enn í fötum þegar skjálftinn kom. Nú eru margir reiðir við fyrrum bankamenn. Ekki misskilja mig: fjármálaglæpir eru alvöruglæpir og ef óvilhallir dómstólar dæma menn til fangelsisvistar fyrir þá þá er það ekki ranglátara en hvað annað í þessu lífi. En sú reiði sem stundum brýst fram í umræðunni í garð þessara tilteknu misindismanna markast auðvitað af því að fólk er reitt út af hruninu. Fólk vill refsa fólki fyrir hrunið. Af umræðum um aðbúnað sumra þessara fanga má dæma að sumum þyki eins og fangelsin séu nú eins konar sumarbúðir. Fólk geti hjólað um á fjallahjólum, keypt sér betri húsgögn og jafnvel fengið senda matarbakka með mat sem það fílar frekar. Þetta finnst sumum fáránlegt. En refsingin sem felst í fangelsisvistinni er sú að geta ekki talað við fjölskyldu sína, farið í bíó eða kíkt á leikinn þegar manni sýnist. Það er þung refsing. Þeir sem vilja krydda þá refsingu með því skikka fólk til að sofa á hörðum rúmum, borða kalda súpu eða horfa á illa málaðan vegg eru á rangri braut. Viltu birta grein á Vísi? Sendu okkur póst. Senda grein Pawel Bartoszek Mest lesið Stöðvum helvíti á jörðu Birna Þórarinsdóttir,Bjarni Gíslason,Gísli Rafn Ólafsson,Sigríður Schram,Stella Samúelsdóttir,Tótla I. Sæmundsdóttir Skoðun Óboðlegt ástand á Landspítala – okkar sjónarhorn Hildur Jónsdóttir,Einar Freyr Ingason,Þórir Bergsson Skoðun Sumar og sól – en ekki alltaf sátt í sálinni Ellen Calmon Skoðun Tekist á um hvort lýðræðið á Íslandi sé virkt eða hvort hefðaréttur sé á völdum Þórður Snær Júlíusson Skoðun Til þeirra sem fagna Sigurður Gísli Bond Snorrason Skoðun Kúnstin að vera ósammála sjálfum sér Heiða Ingimarsdóttir Skoðun Orðhengilsháttur og lygar Elín Erna Steinarsdóttir Skoðun Geislameðferð sem lífsbjörg Ingibjörg Isaksen Skoðun Að semja er ekki veikleiki – það er forsenda lýðræðis Elliði Vignisson Skoðun Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir Skoðun
Hópur ungs fólks klifraði upp á fjall í Malasíu, striplaðist og setti myndir af því á netið. Skömmu síðar kom jarðskjálfti. Fólk dó. Mannskepnan kann að greina mynstur og einhverjir eru sagðir hafa tengt saman: Túristar að stripla => Andar reiðir => Jörð skelfur => Fólk deyr. Ein þessara tenginga er nokkuð rökföst. Hinar tvær eru það ekki. Í öllum samfélögum getur fólk lent í því að vera gripið berrassað á röngum stað og á röngum tíma. Sjálfur er ég kannski bara heppinn. Ég vann ekki í banka fyrir hrun og þótt margir vina minna hafi gert það hef ég sem betur fer ekki þurft að heimsækja neinn þeirra upp á Kvíabryggju. Mín kynslóð var kannski ekki orðin nægilega valdamikil 2008. Við vorum vissulega á leiðinni upp fjallið en samt enn í fötum þegar skjálftinn kom. Nú eru margir reiðir við fyrrum bankamenn. Ekki misskilja mig: fjármálaglæpir eru alvöruglæpir og ef óvilhallir dómstólar dæma menn til fangelsisvistar fyrir þá þá er það ekki ranglátara en hvað annað í þessu lífi. En sú reiði sem stundum brýst fram í umræðunni í garð þessara tilteknu misindismanna markast auðvitað af því að fólk er reitt út af hruninu. Fólk vill refsa fólki fyrir hrunið. Af umræðum um aðbúnað sumra þessara fanga má dæma að sumum þyki eins og fangelsin séu nú eins konar sumarbúðir. Fólk geti hjólað um á fjallahjólum, keypt sér betri húsgögn og jafnvel fengið senda matarbakka með mat sem það fílar frekar. Þetta finnst sumum fáránlegt. En refsingin sem felst í fangelsisvistinni er sú að geta ekki talað við fjölskyldu sína, farið í bíó eða kíkt á leikinn þegar manni sýnist. Það er þung refsing. Þeir sem vilja krydda þá refsingu með því skikka fólk til að sofa á hörðum rúmum, borða kalda súpu eða horfa á illa málaðan vegg eru á rangri braut.
Stöðvum helvíti á jörðu Birna Þórarinsdóttir,Bjarni Gíslason,Gísli Rafn Ólafsson,Sigríður Schram,Stella Samúelsdóttir,Tótla I. Sæmundsdóttir Skoðun
Óboðlegt ástand á Landspítala – okkar sjónarhorn Hildur Jónsdóttir,Einar Freyr Ingason,Þórir Bergsson Skoðun
Tekist á um hvort lýðræðið á Íslandi sé virkt eða hvort hefðaréttur sé á völdum Þórður Snær Júlíusson Skoðun
Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir Skoðun
Stöðvum helvíti á jörðu Birna Þórarinsdóttir,Bjarni Gíslason,Gísli Rafn Ólafsson,Sigríður Schram,Stella Samúelsdóttir,Tótla I. Sæmundsdóttir Skoðun
Óboðlegt ástand á Landspítala – okkar sjónarhorn Hildur Jónsdóttir,Einar Freyr Ingason,Þórir Bergsson Skoðun
Tekist á um hvort lýðræðið á Íslandi sé virkt eða hvort hefðaréttur sé á völdum Þórður Snær Júlíusson Skoðun
Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir Skoðun