Sérstakt samband milli tóna og hreyfinga 18. febrúar 2016 10:45 Hver æfing er ný útgáfa. Hér er sú síðasta fyrir frumsýningu í Hörpu í kvöld klukkan 19 og önnur sýning verður klukkan 21. Vísir/Ernir Dansarinn Valgerður Rúnarsdóttir blæs ekki úr nös þó nýlokið sé hátt í klukkutíma æfingu á verkinu All Inclusive þar sem mikið hefur reynt á styrk hennar og fimi. Ásamt tónlistarmönnunum Tómasi og Vigni í dúóinu Mankan hefur hún tekið að sér að útlista verkið fyrir blaðamanni – sem reyndar horfði á síðasta kortérið og hreifst. All Inclusive er eitt þeirra þriggja dansverka sem eru á dagskrá Íslenska dansflokksins, Reykjavík Dance Festival og Sónar í kvöld. „Við semjum tónlistina í hvert skipti sem við flytjum verkið,“ segir Tómas. Valgerður segir það sama gilda um dansarana, þeir vinni hverju sinni útfrá tónlistinni. „Við spjöllum saman á okkar eigin tungumáli þó engin línuleg frásögn sé í verkinu og erum búin að koma okkur saman um tilfinningu í hverjum kafla fyrir sig,“ segir hún. „Já, það er ákveðinn tímarammi með mismunandi stemningar, en við erum frjáls innan hans,“ botnar Vignir. Tónlistin fer öll gegnum tölvur og ekki nóg með það, dansararnir eru líka með snjalltæki á sér sem stundum stjórna hljóðinu eftir því hver líkamsstaða dansaranna er. Þá elta hreyfingarnar ekki tóninn heldur öfugt, ef svo má að orði komast. „Við erum auðvitað vön að dansa eftir tónlist en með því að vinna svona verður alveg sérstakt samband milli tóna og hreyfinga,“ segir Valgerður sem tilheyrði Íslenska dansflokknum um tíma, en hefur undanfarin ár starfað erlendis og búið í Belgíu. Nú er hún flutt heim, dansar í Njálu og þessu verkefni með ÍD. „Við höfum unnið að þessu verki í rúma viku. Það er stutt ferli en mjög markvisst,“ segir hún. „Já, við Vignir höfum verið á æfingum alla daga og svo að vinna á nóttunni heima svo allt virki enn betur hjá okkur daginn eftir,“ bætir Tómas við. Valgerður segir algerlega frábært að vinna með stjórnandanum hinum slóvakíska Martin Kilvady sem dansar líka með hópnum á morgun. „Martin er sérhæfður í svona spuna innan ákveðins ramma og notar ákveðið tungumál. Þó ég hafi margra ára reynslu sem atvinnudansari þá er endalaust hægt að læra af fólki sem hefur jafn skýra sýn og hann,“ segir Valgerður. Dansverkið verður flutt á salargólfinu í Norðurljósum í mikilli nánd við áhorfendur, sem verða meðfram veggjunum og uppi á svölum. Valgerður hvetur fólk til að njóta augnabliksins. „Þegar farið er á tónleika er það til að verða fyrir hughrifum og hið sama gildir um þennan viðburð. Það verður fyrst og fremst gaman.“ Menning Mest lesið „Ég fæ morgnana til að vera bara ég“ Tónlist Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Opna fyrstu umboðsstofuna í eigu leikara Menning Hyggjast halda breytta Söngvakeppni á næsta ári Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Dansarinn Valgerður Rúnarsdóttir blæs ekki úr nös þó nýlokið sé hátt í klukkutíma æfingu á verkinu All Inclusive þar sem mikið hefur reynt á styrk hennar og fimi. Ásamt tónlistarmönnunum Tómasi og Vigni í dúóinu Mankan hefur hún tekið að sér að útlista verkið fyrir blaðamanni – sem reyndar horfði á síðasta kortérið og hreifst. All Inclusive er eitt þeirra þriggja dansverka sem eru á dagskrá Íslenska dansflokksins, Reykjavík Dance Festival og Sónar í kvöld. „Við semjum tónlistina í hvert skipti sem við flytjum verkið,“ segir Tómas. Valgerður segir það sama gilda um dansarana, þeir vinni hverju sinni útfrá tónlistinni. „Við spjöllum saman á okkar eigin tungumáli þó engin línuleg frásögn sé í verkinu og erum búin að koma okkur saman um tilfinningu í hverjum kafla fyrir sig,“ segir hún. „Já, það er ákveðinn tímarammi með mismunandi stemningar, en við erum frjáls innan hans,“ botnar Vignir. Tónlistin fer öll gegnum tölvur og ekki nóg með það, dansararnir eru líka með snjalltæki á sér sem stundum stjórna hljóðinu eftir því hver líkamsstaða dansaranna er. Þá elta hreyfingarnar ekki tóninn heldur öfugt, ef svo má að orði komast. „Við erum auðvitað vön að dansa eftir tónlist en með því að vinna svona verður alveg sérstakt samband milli tóna og hreyfinga,“ segir Valgerður sem tilheyrði Íslenska dansflokknum um tíma, en hefur undanfarin ár starfað erlendis og búið í Belgíu. Nú er hún flutt heim, dansar í Njálu og þessu verkefni með ÍD. „Við höfum unnið að þessu verki í rúma viku. Það er stutt ferli en mjög markvisst,“ segir hún. „Já, við Vignir höfum verið á æfingum alla daga og svo að vinna á nóttunni heima svo allt virki enn betur hjá okkur daginn eftir,“ bætir Tómas við. Valgerður segir algerlega frábært að vinna með stjórnandanum hinum slóvakíska Martin Kilvady sem dansar líka með hópnum á morgun. „Martin er sérhæfður í svona spuna innan ákveðins ramma og notar ákveðið tungumál. Þó ég hafi margra ára reynslu sem atvinnudansari þá er endalaust hægt að læra af fólki sem hefur jafn skýra sýn og hann,“ segir Valgerður. Dansverkið verður flutt á salargólfinu í Norðurljósum í mikilli nánd við áhorfendur, sem verða meðfram veggjunum og uppi á svölum. Valgerður hvetur fólk til að njóta augnabliksins. „Þegar farið er á tónleika er það til að verða fyrir hughrifum og hið sama gildir um þennan viðburð. Það verður fyrst og fremst gaman.“
Menning Mest lesið „Ég fæ morgnana til að vera bara ég“ Tónlist Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Opna fyrstu umboðsstofuna í eigu leikara Menning Hyggjast halda breytta Söngvakeppni á næsta ári Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira