Pínulítið sumarleg sýning Gunnþóra Gunnarsdóttir skrifar 13. febrúar 2016 11:30 Edda í óða önn að koma myndum sínum fyrir í Geysi Bistro. Mynd/Úr einkasafni Sýningin er á frekar léttum nótum og er pínulítið sumarleg þó langt sé enn til vors. Ef ég á að velja henni yfirskrift mundi hún vera Náttúra,“ segir Edda Guðmundsdóttir um sýningu sína á veitingastaðnum Geysi Bistró í miðborg Reykjavíkur. Hún segir ekki um stóra fleti að ræða inni á staðnum og myndirnar taki mið af því. Skyldi hún hafa málað þær með þennan sal í huga? „Nei, myndirnar eru frá ýmsum tímabilum, sumar nýjar og aðrar eldri, ég valdi þær eftir því hvernig þær pössuðu saman og í plássið.“ Edda kveðst hafa mjög frjálslegan stíl í myndlistinni. „Ég er mest að skemmta sjálfri mér með því að mála. Nota mest olíuliti en ein mynd á sýningunni er máluð með vatnslitum á striga, ég var aðeins að prófa og ákvað að hengja hana upp.“ Edda hélt sína fyrstu sýningu 2007 í tilefni sjötugsafmælis síns en kveðst lengi hafa fengist við að mála. „Ég á til myndir frá sjöunda áratugnum þannig að ég hef lengi fiktað við litina. Hef svo verið í skólum og reynt að bæta við mig færni í 25 ár. Er núna í Myndlistarskólanum í Reykjavík í tímum sem kallast Vinnustofa. Þar fáum við kennara í heimsókn að leiðbeina okkur og gagnrýna.“ Spurð hvaðan hún fái sínar hugmyndir að listaverkum svarar Edda. „Ég veit það ekki, ég verð að segja að mig skortir bara aldrei hugmyndir. Ef eitthvað er þá eru þær of margar. Sumum hefur mér ekki tekist að koma frá mér þannig að ég sé sátt, þær eru niðri í geymslu og bíða betri tíma. Ég er alltaf með hugmynd í kollinum þegar ég byrja á mynd, svo getur hún breyst og útkoman orðið allt önnur í lokin en samt verið í lagi.“ Hvort hún hafi listfengi í genunum veit Edda ekki en segir þó föður sinn, Guðmund Gíslason, kennara og skólastjóra hafa haft gaman af að teikna og mála. „Þegar pabbi byrjaði að kenna sem ungur maður á Laugarvatni kenndi hann meðal annars teikningu.“ Edda fór beint úr því að hengja upp sýninguna í að pakka niður fyrir sólarlandaferð og er í þann veginn að hoppa upp í flugvél á leið til Tenerife þegar viðtalið fer fram. Skyldi hún fara með litina með sér út? „Nei, mér finnst sólarströnd ekki rétti staðurinn til að mála á. En ég hef skroppið til Tenerife undanfarin nokkur ár á þessum árstíma. Það er freistandi að drífa sig burt úr hálkunni.“ Menning Mest lesið „Ég fæ morgnana til að vera bara ég“ Tónlist Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ógleymanlegt fermingarpils enn í uppáhaldi Tíska og hönnun Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Opna fyrstu umboðsstofuna í eigu leikara Menning Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Sýningin er á frekar léttum nótum og er pínulítið sumarleg þó langt sé enn til vors. Ef ég á að velja henni yfirskrift mundi hún vera Náttúra,“ segir Edda Guðmundsdóttir um sýningu sína á veitingastaðnum Geysi Bistró í miðborg Reykjavíkur. Hún segir ekki um stóra fleti að ræða inni á staðnum og myndirnar taki mið af því. Skyldi hún hafa málað þær með þennan sal í huga? „Nei, myndirnar eru frá ýmsum tímabilum, sumar nýjar og aðrar eldri, ég valdi þær eftir því hvernig þær pössuðu saman og í plássið.“ Edda kveðst hafa mjög frjálslegan stíl í myndlistinni. „Ég er mest að skemmta sjálfri mér með því að mála. Nota mest olíuliti en ein mynd á sýningunni er máluð með vatnslitum á striga, ég var aðeins að prófa og ákvað að hengja hana upp.“ Edda hélt sína fyrstu sýningu 2007 í tilefni sjötugsafmælis síns en kveðst lengi hafa fengist við að mála. „Ég á til myndir frá sjöunda áratugnum þannig að ég hef lengi fiktað við litina. Hef svo verið í skólum og reynt að bæta við mig færni í 25 ár. Er núna í Myndlistarskólanum í Reykjavík í tímum sem kallast Vinnustofa. Þar fáum við kennara í heimsókn að leiðbeina okkur og gagnrýna.“ Spurð hvaðan hún fái sínar hugmyndir að listaverkum svarar Edda. „Ég veit það ekki, ég verð að segja að mig skortir bara aldrei hugmyndir. Ef eitthvað er þá eru þær of margar. Sumum hefur mér ekki tekist að koma frá mér þannig að ég sé sátt, þær eru niðri í geymslu og bíða betri tíma. Ég er alltaf með hugmynd í kollinum þegar ég byrja á mynd, svo getur hún breyst og útkoman orðið allt önnur í lokin en samt verið í lagi.“ Hvort hún hafi listfengi í genunum veit Edda ekki en segir þó föður sinn, Guðmund Gíslason, kennara og skólastjóra hafa haft gaman af að teikna og mála. „Þegar pabbi byrjaði að kenna sem ungur maður á Laugarvatni kenndi hann meðal annars teikningu.“ Edda fór beint úr því að hengja upp sýninguna í að pakka niður fyrir sólarlandaferð og er í þann veginn að hoppa upp í flugvél á leið til Tenerife þegar viðtalið fer fram. Skyldi hún fara með litina með sér út? „Nei, mér finnst sólarströnd ekki rétti staðurinn til að mála á. En ég hef skroppið til Tenerife undanfarin nokkur ár á þessum árstíma. Það er freistandi að drífa sig burt úr hálkunni.“
Menning Mest lesið „Ég fæ morgnana til að vera bara ég“ Tónlist Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ógleymanlegt fermingarpils enn í uppáhaldi Tíska og hönnun Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Opna fyrstu umboðsstofuna í eigu leikara Menning Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira