„Það er fyrst og fremst verið að reyna að koma höggi á mig og Vinstri græn“ Kolbeinn Tumi Daðason skrifar 14. apríl 2016 14:28 "Hið rétta er að Sigurmar eða við hjónin áttum aldrei krónu í þessu félagi. Það var skráð á Íslandi meðan hann var í stjórn þess,“ segir Álfheiður. Vísir/Valli Álfheiður Ingadóttir, fyrrverandi ráðherra og þingmaður Vinstri grænna, segir ekkert fjær sanni en að hún og eiginmaður hennar eigi eða hafi átt félag á Tortóla. Vísar hún til fréttar í viðskiptahluta Morgunblaðsins í dag þar sem fullyrt er að Sigurmar hafi verið forsvarsmaður félagsins Sýreyjar þegar það var skráð á Tortóla. Álfheiður telur að verið sé að reyna að koma höggi á stjórnmálaflokk sinn og hana sjálfa með umfjölluninni. Í umfjöllun Morgunblaðsins um Mossack Fonseca og hlutabréfakaup, sem birt er að hluta á Mbl.is, er fjallað um félagið Sýrey sem Sigurmar K. Albertsson, eiginmaður Álfheiðar, stofnaði í ágúst 2005. Vísað er í ársreikinga Sýreyjar frá 2005-2014 þar sem fram komi að Sýrey hafi verið í eigu Holt Investment Group Ltd. Holt Investment var skráð á Íslandi í apríl 2005, með heimilisfang Mossack Fonseca á Tortóla.Sigurmar fullyrðir í samtali við Eyjuna að hann hafi aldrei átt félög á aflandseyjum eða haft aðkomu að þeim. Álfheiður segir Sigurmar hafa komið að stofnun Sýreyjar fyrir Kaupþing en Sigurmar er Hæstaréttarlögmaður. Sigurmar hafi tekið sæti í stjórninni ásamt Eggerti Hilmarssyni, starfsmanni Kaupþings. Endurskoðendur voru Ernest og Young. „Félagið var stofnað fyrir Kaupþing í þeim tilgangi að ganga frá uppgjöri á skuldum tiltekins manns við bankann. Því verki lauk Sigurmar og 10. febrúar 2006 var haldinn fundur í félaginu, Sigurmar fer úr stjórn og skipt er um endurskoðendur.“ Síðan hafi Sigurmar engin afskipti haft af félaginu eða Holts Investment. Félagið Sýrey hafi verið skráð á Íslandi á meðan Sigurmar sat í stjórn þess. „Meira er ekkert um þetta að segja – það er fyrst og fremst verið að reyna að koma höggi á mig og Vinstri græn – gefa til kynna að það sé sami rassinn undir öllum sem koma nálægt pólitík og vinstri græn eigi sko bara líka !!! peninga í skattaskjólum.“Uppfært klukkan 15:38: Sigurmar K. Albertsson, hæstaréttarlögmaður, sendi rétt í þessu frá sér eftirfarandi yfirlýsingu vegna fjölmiðlaumfjöllunar dagsins:Í starfi mínu sem lögmaður hef ég á undanförnum árum stofnað mörg félög fyrir umbjóðendur mína í margvíslegum tilgangi. Ekkert þeirra hefur verið stofnað á erlendri grundu og ennþá síður í þeim tilgangi að koma verðmætum í skattaskjól eða annað í þeim dúr. Í sumum tilfellum hef ég setið sem lögmaður í stjórn þessara félaga, stundum í einn sólarhring og stundum lengur en ávallt til þess eins að brúa bil þar til eigendur félaganna taka við stjórnartaumum. Í því tilfelli sem gert hefur verið að umfjöllunarefni í dag vil ég taka það fram að félagið Sýrey ehf. var stofnað í ágúst árið 2005, fyrst með heimilisfesti á skrifstofu minni í Reykjavík og síðar að Bíldshöfða 14. Ég sat ég í stjórn þess um sex mánaða skeið eða til 10. febrúar árið 2006. Síðan hef ég hvorki heyrt né séð þetta félag og hvorki komið nálægt nafnbreytingu þess né hugsanlegum flutningi á heimilisfesti. Sama gildir um langflest önnur félög sem ég hef stofnað og tengst tímabundið. Slík þjónusta er einfaldlega hluti af daglegum verkefnum fjölmargra lögmanna – jafnvel þeirra sem deilt hafa lífinu hamingjusamlega með fólki úr stjórnmálageiranum. Panama-skjölin Mest lesið Innbú Play til sölu: Gæti aflað búinu fjórtán milljóna króna Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Telur um dulda launahækkun skrifstofufólks að ræða Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Eva og Guðrún nýir forstöðumenn hjá Icelandair Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Davíð Ernir til liðs við Athygli Viðskipti innlent Fleiri fréttir Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Sjá meira
Álfheiður Ingadóttir, fyrrverandi ráðherra og þingmaður Vinstri grænna, segir ekkert fjær sanni en að hún og eiginmaður hennar eigi eða hafi átt félag á Tortóla. Vísar hún til fréttar í viðskiptahluta Morgunblaðsins í dag þar sem fullyrt er að Sigurmar hafi verið forsvarsmaður félagsins Sýreyjar þegar það var skráð á Tortóla. Álfheiður telur að verið sé að reyna að koma höggi á stjórnmálaflokk sinn og hana sjálfa með umfjölluninni. Í umfjöllun Morgunblaðsins um Mossack Fonseca og hlutabréfakaup, sem birt er að hluta á Mbl.is, er fjallað um félagið Sýrey sem Sigurmar K. Albertsson, eiginmaður Álfheiðar, stofnaði í ágúst 2005. Vísað er í ársreikinga Sýreyjar frá 2005-2014 þar sem fram komi að Sýrey hafi verið í eigu Holt Investment Group Ltd. Holt Investment var skráð á Íslandi í apríl 2005, með heimilisfang Mossack Fonseca á Tortóla.Sigurmar fullyrðir í samtali við Eyjuna að hann hafi aldrei átt félög á aflandseyjum eða haft aðkomu að þeim. Álfheiður segir Sigurmar hafa komið að stofnun Sýreyjar fyrir Kaupþing en Sigurmar er Hæstaréttarlögmaður. Sigurmar hafi tekið sæti í stjórninni ásamt Eggerti Hilmarssyni, starfsmanni Kaupþings. Endurskoðendur voru Ernest og Young. „Félagið var stofnað fyrir Kaupþing í þeim tilgangi að ganga frá uppgjöri á skuldum tiltekins manns við bankann. Því verki lauk Sigurmar og 10. febrúar 2006 var haldinn fundur í félaginu, Sigurmar fer úr stjórn og skipt er um endurskoðendur.“ Síðan hafi Sigurmar engin afskipti haft af félaginu eða Holts Investment. Félagið Sýrey hafi verið skráð á Íslandi á meðan Sigurmar sat í stjórn þess. „Meira er ekkert um þetta að segja – það er fyrst og fremst verið að reyna að koma höggi á mig og Vinstri græn – gefa til kynna að það sé sami rassinn undir öllum sem koma nálægt pólitík og vinstri græn eigi sko bara líka !!! peninga í skattaskjólum.“Uppfært klukkan 15:38: Sigurmar K. Albertsson, hæstaréttarlögmaður, sendi rétt í þessu frá sér eftirfarandi yfirlýsingu vegna fjölmiðlaumfjöllunar dagsins:Í starfi mínu sem lögmaður hef ég á undanförnum árum stofnað mörg félög fyrir umbjóðendur mína í margvíslegum tilgangi. Ekkert þeirra hefur verið stofnað á erlendri grundu og ennþá síður í þeim tilgangi að koma verðmætum í skattaskjól eða annað í þeim dúr. Í sumum tilfellum hef ég setið sem lögmaður í stjórn þessara félaga, stundum í einn sólarhring og stundum lengur en ávallt til þess eins að brúa bil þar til eigendur félaganna taka við stjórnartaumum. Í því tilfelli sem gert hefur verið að umfjöllunarefni í dag vil ég taka það fram að félagið Sýrey ehf. var stofnað í ágúst árið 2005, fyrst með heimilisfesti á skrifstofu minni í Reykjavík og síðar að Bíldshöfða 14. Ég sat ég í stjórn þess um sex mánaða skeið eða til 10. febrúar árið 2006. Síðan hef ég hvorki heyrt né séð þetta félag og hvorki komið nálægt nafnbreytingu þess né hugsanlegum flutningi á heimilisfesti. Sama gildir um langflest önnur félög sem ég hef stofnað og tengst tímabundið. Slík þjónusta er einfaldlega hluti af daglegum verkefnum fjölmargra lögmanna – jafnvel þeirra sem deilt hafa lífinu hamingjusamlega með fólki úr stjórnmálageiranum.
Panama-skjölin Mest lesið Innbú Play til sölu: Gæti aflað búinu fjórtán milljóna króna Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Telur um dulda launahækkun skrifstofufólks að ræða Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Eva og Guðrún nýir forstöðumenn hjá Icelandair Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Davíð Ernir til liðs við Athygli Viðskipti innlent Fleiri fréttir Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Sjá meira
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent