Tólf dómarar munu koma að dómgæslunni í tveimur undanúrslitaleikjum í Borgunarbikar karla sem fara fram í kvöld á morgun en þar mun koma í ljós hvaða lið komast í bikarúrslitaleikinn í ár.
Sex dómarar verða á hvorum leik í undanúrslitaleikjunum tveimur en þetta kemur fram í frétt á heimasíðu Knattspyrnusambands Íslands.
Íslenskt knattspyrnuáhugafólk þekkir þetta frá Evrópukeppnunum þar á meðal úrslitakeppni EM í Frakklandi í sumar.
Í leikjunum tveimur verður dómari, tveir aðstoðardómarar, tveir auka aðstoðardómarar (sprotadómarar) og fjórði dómari.
Þetta er mjög óvenjulegt eins og sést á úrslitagrunni KSÍ. Þar er aðeins hægt að skrá inn tvo aðstoðardómarar en ef þetta verður venjan þarf eflaust að lagfæra það.
Tveir dómarar koma að báðum leikjum en það eru þeir Vilhjálmur Alvar Þórarinsson og Frosti Viðar Gunnarsson. Vilhjálmur Alvar dæmir annan en er endalínudómari á hinum. Frosti Viðar er aðstoðardómari á öðrum en endalínudómari á hinum.
Fyrri undanúrslitaleikurinn er í kvöld þegar Selfoss tekur á móti Val en á morgun á fimmtudag heimsækja FH-ingar ÍBV á Hásteinsvöll. Báðir leikir verða sýndir beint á Stöð 2 Sport.
Dómararnir í leikjunum:
Selfoss-Valur, JÁVERK-völlurinn
Dómari Erlendur Eiríksson
Aðstoðardómari 1 Frosti Viðar Gunnarsson
Aðstoðardómari 2 Oddur Helgi Guðmundsson
Endalínudómari 1 Vilhjálmur Alvar Þórarinsson
Endalínudómari 2 Gunnar Jarl Jónsson
Eftirlitsmaður Þórður Ingi Guðjónsson
Varadómari Guðmundur Ársæll Guðmundsson
ÍBV-FH, Hásteinsvöllur
Dómari Vilhjálmur Alvar Þórarinsson
Aðstoðardómari 1 Birkir Sigurðarson
Aðstoðardómari 2 Bryngeir Valdimarsson
Endalínudómari 1 Erlendur Eiríksson
Endalínudómari 2 Frosti Viðar Gunnarsson
Eftirlitsmaður Einar K. Guðmundsson
Varadómari Jóhann Ingi Jónsson
Dómurum fjölgað upp í tólf í undanúrslitaleikjum karla
