Íslenska kvikmyndafyrirtækið RVK Studios mun framleiða kvikmyndina Red Fjords sem er byggð á Spánverjavígunum svokölluðu þegar 31 baskneskur skipbrotsmaður var veginn af vestfirskum bændum undir forystu Ara sýslumanns í Ögri árið 1615.
Greint er frá því á vef Variety að Baltasar Kormákur muni framleiða myndina í gegnum RVK Studios og Eduardo Carneros, forstjóri Euskadi Movie, og Javie Lopez Blanco, forstjóri Tornasol Films, muni einnig koma að framleiðslu myndarinnar.
Leikstjóri hennar verður Spánverjinn Koldo Serra en myndin mun fjalla um ungan veiðimann að nafni Ishmael sem eftir að hafa fylgt eiginkonu sinni og syni til grafar ræður sig á hvalveiðiskip sem heldur til Íslands þar sem ríkir mikil hungursneyð.
Sagt var frá Red Fjords á kvikmyndahátíðinni í San Sebastian þar sem Baltasar Kormákur kynnir nýjustu mynd sína Eiðinn.
Baltasar framleiðir mynd um Spánverjavígin
Tengdar fréttir
Sálfræðitryllir og hefndarsaga í fínum umbúðum
Eiðurinn stendur betri verkum Baltasars nokkuð að baki og skilur í heildina ekki mikið eftir sig, en hún er faglega gerð og mátulega spennandi.
Eiðurinn fer vel af stað
Eiðurinn fór vel af stað um helgina og er þetta stærsta opnum á íslenskri mynd á árinu og önnur besta opnun á íslenskri mynd Baltasars Kormáks.
