Aurum-málið: „Getur verið að allur hávaðinn í kringum þetta mál hafi blindað héraðssaksóknara sýn?“ Sunna Kristín Hilmarsdóttir skrifar 19. október 2016 11:16 Lárus Welding í dómssal í Héraðsdómi Reykjavíkur í morgun. Vísir/GVA Allir ákærðu í Aurum-málinu mættu í Héraðsdóm Reykjavíkur í morgun þegar aðalmeðferð málsins hófst. Einn hinna ákærðu, Magnús Arnar Arngrímsson sem var framkvæmdastjóri fyrirtækjasviðs Glitnis, mætti í fylgd fangavarða þar sem hann afplánar tveggja ára fangelsisdóm vegna BK-málsins í fangelsinu Kvíabryggju. Dagskráin í héraðsdómi hófst á forflutningi málsins en síðan settist Lárus Welding, fyrrverandi forstjóri Glitnis, í vitnastúkuna. Hann er ákærður fyrir umboðssvik ásamt Magnúsi Arnari vegna sex milljarða króna láns Glitnis til félagsins FS38 ehf. í júlí 2008 en félagið var í eigu Pálma Haraldssonar. Þegar Lárus kom í vitnastúkuna byrjaði hann á því að ávarpa dóminn. Hann kvaðst hafa verið forstjóri Glitnis í aðeins 17 mánuði en starfið hafi núna hins vegar fylgt honum í 115 mánuði.Teljist mannréttindabrot „Ég hef þurft að sæta húsleit, sitja í gæsluvarðhaldi og setið í löngum yfirheyrslum. Mér skilst að enn sé verið að rannsaka þrjú mál þar sem ég hef stöðu sakbornings. Líklegast fæst ekki úrlausn í mín mál áður en árið 2020 gengur í garð. Þetta hlýtur að einhverju leyti að jaðra við mannréttindabrot,“ sagði Lárus. Hann gerði að umtalsefni óvægna umræðu í samfélaginu og fjölmiðlum í garð sinn og annarra sem störfuðu hjá Glitni. Þá sagði Lárus að þungar sakir hefðu bornar á hann í skýrslu Rannsóknarnefndar Alþingis án þess að hann hefði fengið tækifæri til að svara fyrir sig. „En hér á ekki að hafa nein áhrif sú neikvæða umræða sem beinst hefur gegn mér eða persónulegar skoðanir dómara á mér,“ sagði Lárus. Hann neitar sök í málinu og sagði að allar ákvarðanir sem hann tók sem forstjóri Glitnis hafi verið í þágu bankans. Lárus sagði jafnframt að honum væri enn óljóst hvaða reglu hann eigi að hafa brotið eða hvaða lög.Héraðssaksóknari áður en aðalmeðferð í málinu hófst í morgun.Vísir/GVA„Af hverju erum við hér í annað sinn?“ Þá gagnrýndi hann, líkt og verjendur höfðu gert í forflutningi, þau gögn sem héraðssaksóknari leggur fram í málinu en Lárus sagði að samtímagögn varðandi verðmæti Aurum sýna að sök ákærðu í málinu sé engin. Þau gögn hefðu hins vegar ekki verið hluti af upphaflegu gögnum ákæruvaldsins. „Þegar farið er yfir málavexti er öllum ljóst að Glitnir minnkaði ótryggða áhættu sína með þessum viðskiptum og var betur settur en áður. Af hverju erum við þá hér í annað sinn? Getur verið að allur hávaðinn í kringum þetta mál og þær persónur sem tengjast því hafi blindað héraðssaksóknara sýn?“ Auk þeirra Lárusar og Magnúsar eru þeir Jón Ásgeir Jóhannesson, sem var einn stærsti eigandi Glitnis, og Bjarni Jóhannesson, sem var viðskiptastjóri hjá Glitni, ákærðir fyrir hlutdeild í meintum umboðssvikum Lárusar og Magnúsar. Sex milljarða króna lánveiting bankans var notuð til að fjármagna kaup FS38 á 25,7 prósent hlut Fons, sem einnig var í eigu Pálma, í bresku skartgripakeðjunni Aurum Holdings Limited en það félag var ekki skráð í kauphöll.Einn milljarður millifærður Samkvæmt ákæru voru um 2,8 milljarðar af láni Glitnis til FS38 millifærðir til að greiða upp eftirstöðvar á láni Glitnis til Fons sem hafði verið veitt í nóvember 2007. Þá voru tveir milljarðar greiddir inn á reikning í eigu Fons, félaginu til frjálsrar ráðstöfunar, að því er segir í ákæru. Eftir stóðu þá 1,2 milljarðar sem voru lagðir inn á handveðsettan reikning Fons hjá markaðsviðskiptum Glitnis en peningarnir áttu að bæta tryggingastöðu félagsins hjá Glitni. Þann sama dag millifærði Glitnir svo einn milljarð af reikningi Fons inn á reikning í eigu Jóns Ásgeirs sem hann nýtti, samkvæmt ákæru, til þess að greiða upp rúmlega 700 milljóna króna ótryggða yfirdráttarskuld sína hjá Glitni. Aurum Holding málið Tengdar fréttir Tæplega fimmtíu vitni koma fyrir dóm við aðra aðalmeðferð Aurum-málsins Aðalmeðferð í Aurum-málinu svokallaða hefst í Héraðsdómi Reykjavíkur í dag. Í málinu eru þeir Lárus Welding fyrrverandi forstjóri Glitnis, Magnús Arnar Arngrímsson sem var framkvæmdastjóri fyrirtækjasviðs bankans, Jón Ásgeir Jóhannesson einn stærsti eigandi Glitnis og Bjarni Jóhannesson sem var viðskiptastjóri hjá Glitni ákærðir. 19. október 2016 08:15 Mest lesið Trump setur tolla á lyf, vörubíla og húsgögn Viðskipti erlent Ekki of seint að breyta starfsframa eða vinnu eftir fimmtugt Atvinnulíf Fyrrverandi bankastjóri nýr forstjóri Thor landeldis Viðskipti innlent Að líða eins og svikara í vinnunni Atvinnulíf Opnar stað í anda Kaffi Vest í Fossvoginum Viðskipti innlent Uppsagnir hjá Fjársýslunni Viðskipti innlent Edda María leiðir stafræna markaðsþjónustu Vettvangs Viðskipti innlent Fyrsta íslenska grænkera ostagerðin í hættu Viðskipti innlent Guðný ráðin fræðslustjóri og Kristófer Orri í gjaldeyrismiðlun Viðskipti innlent „Fyrir löngu orðin að aðstoðarmanninum sem ég leitaði að í tólf ár“ Atvinnulíf Fleiri fréttir Fyrrverandi bankastjóri nýr forstjóri Thor landeldis Edda María leiðir stafræna markaðsþjónustu Vettvangs Uppsagnir hjá Fjársýslunni Guðný ráðin fræðslustjóri og Kristófer Orri í gjaldeyrismiðlun Kostaði tvo milljarða að selja Íslandsbanka Verðbólgan 4,1% og fer upp á milli mánaða Bein útsending: Framsýn forysta Opnar stað í anda Kaffi Vest í Fossvoginum Neyslan mikil og sjá ekki að stýrivextir fari hratt lækkandi Sexfölduðu veltuna á einu ári Gjaldeyrisforðinn nálægt billjón króna Rúna nýr innkaupastjóri Banana Úr geimskipaútgerð til Faxaflóahafna Bein útsending: Kynna yfirlýsingu fjármálastöðugleikanefndar Selur Alvogen í Bandaríkjunum með samruna sem skapar risa á lyfjamarkaði Óvissa á alþjóðavettvangi undirstrikar mikilvægi ríflegs gjaldeyrisforða SVEIT muni afhenda öll gögn og ekki greiða dagsektir SVEIT sleppi ekki við milljónasektir Bætist í eigendahóp Strategíu Guðrún til Landsbankans Hvernig fæ ég unglingana mína til að fara betur með peninga? „Það er betlmenning og allir eiga að fá allt frítt“ Vélfag stefnir ríkinu Meirihluti í SA andvígur ESB aðild Ráðinn nýr tækni- og þjónustustjóri Advania á Akureyri Syndis kaupir sænskt fyrirtæki Tveir nýir stjórnendur hjá Símanum Jóhann Páll hættir við þátttöku á haustfundi SVEIT Heimavöllur Aftureldingar kenndur við rafmyntafyrirtæki Ráðinn markaðsstjóri Emmessíss Sjá meira
Allir ákærðu í Aurum-málinu mættu í Héraðsdóm Reykjavíkur í morgun þegar aðalmeðferð málsins hófst. Einn hinna ákærðu, Magnús Arnar Arngrímsson sem var framkvæmdastjóri fyrirtækjasviðs Glitnis, mætti í fylgd fangavarða þar sem hann afplánar tveggja ára fangelsisdóm vegna BK-málsins í fangelsinu Kvíabryggju. Dagskráin í héraðsdómi hófst á forflutningi málsins en síðan settist Lárus Welding, fyrrverandi forstjóri Glitnis, í vitnastúkuna. Hann er ákærður fyrir umboðssvik ásamt Magnúsi Arnari vegna sex milljarða króna láns Glitnis til félagsins FS38 ehf. í júlí 2008 en félagið var í eigu Pálma Haraldssonar. Þegar Lárus kom í vitnastúkuna byrjaði hann á því að ávarpa dóminn. Hann kvaðst hafa verið forstjóri Glitnis í aðeins 17 mánuði en starfið hafi núna hins vegar fylgt honum í 115 mánuði.Teljist mannréttindabrot „Ég hef þurft að sæta húsleit, sitja í gæsluvarðhaldi og setið í löngum yfirheyrslum. Mér skilst að enn sé verið að rannsaka þrjú mál þar sem ég hef stöðu sakbornings. Líklegast fæst ekki úrlausn í mín mál áður en árið 2020 gengur í garð. Þetta hlýtur að einhverju leyti að jaðra við mannréttindabrot,“ sagði Lárus. Hann gerði að umtalsefni óvægna umræðu í samfélaginu og fjölmiðlum í garð sinn og annarra sem störfuðu hjá Glitni. Þá sagði Lárus að þungar sakir hefðu bornar á hann í skýrslu Rannsóknarnefndar Alþingis án þess að hann hefði fengið tækifæri til að svara fyrir sig. „En hér á ekki að hafa nein áhrif sú neikvæða umræða sem beinst hefur gegn mér eða persónulegar skoðanir dómara á mér,“ sagði Lárus. Hann neitar sök í málinu og sagði að allar ákvarðanir sem hann tók sem forstjóri Glitnis hafi verið í þágu bankans. Lárus sagði jafnframt að honum væri enn óljóst hvaða reglu hann eigi að hafa brotið eða hvaða lög.Héraðssaksóknari áður en aðalmeðferð í málinu hófst í morgun.Vísir/GVA„Af hverju erum við hér í annað sinn?“ Þá gagnrýndi hann, líkt og verjendur höfðu gert í forflutningi, þau gögn sem héraðssaksóknari leggur fram í málinu en Lárus sagði að samtímagögn varðandi verðmæti Aurum sýna að sök ákærðu í málinu sé engin. Þau gögn hefðu hins vegar ekki verið hluti af upphaflegu gögnum ákæruvaldsins. „Þegar farið er yfir málavexti er öllum ljóst að Glitnir minnkaði ótryggða áhættu sína með þessum viðskiptum og var betur settur en áður. Af hverju erum við þá hér í annað sinn? Getur verið að allur hávaðinn í kringum þetta mál og þær persónur sem tengjast því hafi blindað héraðssaksóknara sýn?“ Auk þeirra Lárusar og Magnúsar eru þeir Jón Ásgeir Jóhannesson, sem var einn stærsti eigandi Glitnis, og Bjarni Jóhannesson, sem var viðskiptastjóri hjá Glitni, ákærðir fyrir hlutdeild í meintum umboðssvikum Lárusar og Magnúsar. Sex milljarða króna lánveiting bankans var notuð til að fjármagna kaup FS38 á 25,7 prósent hlut Fons, sem einnig var í eigu Pálma, í bresku skartgripakeðjunni Aurum Holdings Limited en það félag var ekki skráð í kauphöll.Einn milljarður millifærður Samkvæmt ákæru voru um 2,8 milljarðar af láni Glitnis til FS38 millifærðir til að greiða upp eftirstöðvar á láni Glitnis til Fons sem hafði verið veitt í nóvember 2007. Þá voru tveir milljarðar greiddir inn á reikning í eigu Fons, félaginu til frjálsrar ráðstöfunar, að því er segir í ákæru. Eftir stóðu þá 1,2 milljarðar sem voru lagðir inn á handveðsettan reikning Fons hjá markaðsviðskiptum Glitnis en peningarnir áttu að bæta tryggingastöðu félagsins hjá Glitni. Þann sama dag millifærði Glitnir svo einn milljarð af reikningi Fons inn á reikning í eigu Jóns Ásgeirs sem hann nýtti, samkvæmt ákæru, til þess að greiða upp rúmlega 700 milljóna króna ótryggða yfirdráttarskuld sína hjá Glitni.
Aurum Holding málið Tengdar fréttir Tæplega fimmtíu vitni koma fyrir dóm við aðra aðalmeðferð Aurum-málsins Aðalmeðferð í Aurum-málinu svokallaða hefst í Héraðsdómi Reykjavíkur í dag. Í málinu eru þeir Lárus Welding fyrrverandi forstjóri Glitnis, Magnús Arnar Arngrímsson sem var framkvæmdastjóri fyrirtækjasviðs bankans, Jón Ásgeir Jóhannesson einn stærsti eigandi Glitnis og Bjarni Jóhannesson sem var viðskiptastjóri hjá Glitni ákærðir. 19. október 2016 08:15 Mest lesið Trump setur tolla á lyf, vörubíla og húsgögn Viðskipti erlent Ekki of seint að breyta starfsframa eða vinnu eftir fimmtugt Atvinnulíf Fyrrverandi bankastjóri nýr forstjóri Thor landeldis Viðskipti innlent Að líða eins og svikara í vinnunni Atvinnulíf Opnar stað í anda Kaffi Vest í Fossvoginum Viðskipti innlent Uppsagnir hjá Fjársýslunni Viðskipti innlent Edda María leiðir stafræna markaðsþjónustu Vettvangs Viðskipti innlent Fyrsta íslenska grænkera ostagerðin í hættu Viðskipti innlent Guðný ráðin fræðslustjóri og Kristófer Orri í gjaldeyrismiðlun Viðskipti innlent „Fyrir löngu orðin að aðstoðarmanninum sem ég leitaði að í tólf ár“ Atvinnulíf Fleiri fréttir Fyrrverandi bankastjóri nýr forstjóri Thor landeldis Edda María leiðir stafræna markaðsþjónustu Vettvangs Uppsagnir hjá Fjársýslunni Guðný ráðin fræðslustjóri og Kristófer Orri í gjaldeyrismiðlun Kostaði tvo milljarða að selja Íslandsbanka Verðbólgan 4,1% og fer upp á milli mánaða Bein útsending: Framsýn forysta Opnar stað í anda Kaffi Vest í Fossvoginum Neyslan mikil og sjá ekki að stýrivextir fari hratt lækkandi Sexfölduðu veltuna á einu ári Gjaldeyrisforðinn nálægt billjón króna Rúna nýr innkaupastjóri Banana Úr geimskipaútgerð til Faxaflóahafna Bein útsending: Kynna yfirlýsingu fjármálastöðugleikanefndar Selur Alvogen í Bandaríkjunum með samruna sem skapar risa á lyfjamarkaði Óvissa á alþjóðavettvangi undirstrikar mikilvægi ríflegs gjaldeyrisforða SVEIT muni afhenda öll gögn og ekki greiða dagsektir SVEIT sleppi ekki við milljónasektir Bætist í eigendahóp Strategíu Guðrún til Landsbankans Hvernig fæ ég unglingana mína til að fara betur með peninga? „Það er betlmenning og allir eiga að fá allt frítt“ Vélfag stefnir ríkinu Meirihluti í SA andvígur ESB aðild Ráðinn nýr tækni- og þjónustustjóri Advania á Akureyri Syndis kaupir sænskt fyrirtæki Tveir nýir stjórnendur hjá Símanum Jóhann Páll hættir við þátttöku á haustfundi SVEIT Heimavöllur Aftureldingar kenndur við rafmyntafyrirtæki Ráðinn markaðsstjóri Emmessíss Sjá meira
Tæplega fimmtíu vitni koma fyrir dóm við aðra aðalmeðferð Aurum-málsins Aðalmeðferð í Aurum-málinu svokallaða hefst í Héraðsdómi Reykjavíkur í dag. Í málinu eru þeir Lárus Welding fyrrverandi forstjóri Glitnis, Magnús Arnar Arngrímsson sem var framkvæmdastjóri fyrirtækjasviðs bankans, Jón Ásgeir Jóhannesson einn stærsti eigandi Glitnis og Bjarni Jóhannesson sem var viðskiptastjóri hjá Glitni ákærðir. 19. október 2016 08:15