Juraj Grizelj til Keflavíkur

Juraj Grizelj hefur samið við Keflavík um að leika með liðinu í Inkasso-deildinni í sumar. Þetta kemur fram á Fótbolta.net.

Juraj hefur leikið hér á landi frá árinu 2013, alltaf í Inkasso-deildinni. Fyrstu tvö árin lék hann með Grindavík en síðustu tvö ár hefur hann leikið með KA.

Juraj skoraði fimm mörk 21 leik fyrir KA á síðasta tímabili þegar liðið vann sér sæti í Pepsi-deildinni í fyrsta sinn síðan 2004.

Juraj hefur skorað 30 mörk í 85 deildar- og bikarleikjum á Íslandi.

Keflavík endaði í 3. sæti Inkasso-deildarinnar í fyrra.