Fyrsta umferð Pepsi-deildarinnar fór fram um helgina og þar voru nokkrir erlendir leikmenn í byrjunarliðinu hjá flestum liðum.
Rúnar Már er hinsvegar á því að íslensku liðin séu að flytja inn of marga lélega erlenda leikmenn inn í Pepsi-deildina.
„Alltof margir lélegir útlendingar í Pepsi deildinni ár eftir ár. Það þarf að setja einhverjar reglur um þetta. Hámark 3 í liði?,“ skrifaði Rúnar Már inn á Twitter-síðu sína.
Rúnar Már lék með Val áður en hann fór út í atvinnumennsku. Hann spilaði fyrst með Sundsvall í Svíþjóð í þrjú ár en fór síðan til Grasshopper eftir Evrópumótið í fyrra þar sem hann var í leikmannahópi Íslands.
Rúnar Már vill greinilega fá sömu reglur og í körfunni þar sem liðin mega bara vera með ákveðið marga erlenda leikmenn inn á vellinum.
Alltof margir lélegir útlendingar í Pepsi deildinni ár eftir ár. Það þarf að setja einhverjar reglur um þetta. Hámark 3 í liði?
— Runar M Sigurjonsson (@RunarSigurjons) May 3, 2017
