Ólsarar semja við tvo Afríkumenn

Ólafsvíkingar halda áfram að styrka liðið fyrir átökin í Pepsi-deild karla þar sem þeir eru án stiga eftir tvær umferðir.

Ólsarar sömdu í dag við tvo leikmenn frá Afríku. Það eru þeir Eric Kwakwa frá Gana og Kwame Quee frá Sierre Leone.

Quee er fæddur árið 1996 og spilar sem sóknarsinnaður miðjumaður en hann á tólf A-landsleiki að baki fyrir Sierra Leone.

Kwakwa er fæddur árið 1994 og spilar sem varnarsinnaður miðjumaður en hann kemur til Ólsara á láni frá Mediama SC í Gana.

Ólsarar bættu við sig tveimur Spánverjum fyrir fyrsta leik í Pepsi-deildinni en þessir afrísku strákar komu til landsins fyrir nokkru en erfiðlega gekk að fá atvinnuleyfi fyrir þá.

Ólafsvíkingar eiga næst leik á móti nýliðum Grindavíkur á sunnudaginn.