Sjáðu mörkin úr stórleiknum í Krikanum | Myndband

FH vann öruggan sigur á Stjörnunni, 3-0, í stórleik 6. umferðar Pepsi-deildar karla í Kaplakrika í gær.



Með sigrinum lyftu FH-ingar sér upp í 4. sæti deildarinnar en þeir eru nú aðeins fjórum stigum á eftir Stjörnunni og Val.

Steven Lennon kom FH á bragðið þegar hann skoraði með skoti beint úr aukaspyrnu á 23. mínútu.

Stjarnan byrjaði seinni hálfleikinn af krafti en tókst ekki að skora. Kristján Flóki Finnbogason refsaði Garðbæingum svo þegar hann skoraði annað mark Hafnfirðinga á 63. mínútu.

Þórarinn Ingi Valdimarsson skoraði svo þriðja mark FH á 81. mínútu, skömmu eftir að hafa komið inn á sem varamaður.

Mörkin úr leiknum má sjá í spilaranum hér að ofan.