Var boltinn inni hjá Lennon? | Sjáðu markið

Steven Lennon dró FH að landi í Eyjum í dag þegar Íslandsmeistarar unnu mikilvægan en torsóttan 1-0 sigur á Hásteinsvelli í níundu umferð Pepsi-deildarinnar.

Skotinn skoraði eina mark leiksins beint úr aukaspyrnu á 65. mínútu en glæsileg spyrna hans fór í slána og niður. FH-ingar vidu meina að boltinn hefði farið inni þó hann skoppaði aftur út og Oddur Helgi Guðmundsson, aðstoðardómari tvö í leiknum, var sammála gestunum.

Eyjamenn voru ekki hrifnir af þessari ákvörðun Odds en markið stóð og reyndist þetta umdeilda mark sigurmarkið í leiknum.

Hér að ofan má sjá markið sem Steven Lennon skoraði. Erfitt er að sjá hvort boltinn sé inni en markið verður ekki afskráð úr þessu.