Stjarnan dróst gegn Shamrock Rovers frá Írlandi í 1. umferð forkeppni Evrópudeildarinnar.
Fyrri leikurinn fer fram á Samsung-vellinum 29. júní en sá seinni á heimavelli írska liðsins 6. júlí.
Evrópubúningur Stjörnunnar var valinn með netkosningu sem lauk fyrir rúmum mánuði. Sigurtreyjan hlaut nokkur þúsund atkvæði.
Stjörnustrákarnir fengu að máta nýju Evróputreyjuna í dag og það má segja að hún fari þeim ágætlega.
Hér að neðan má sjá myndir af Stjörnumönnum í nýja Evrópubúningnum.
