Jón Aðalsteinn Kristjánsson sagði í dag upp starfi sínu sem þjálfari kvennaliðs Fylkis í knattspyrnu.
Jón Aðalsteinn tók við liðinu síðasta haust en ekki hefur gengið sem skildi hjá liðinu með hann við stjórnvölinn.
Í fréttatilkynningu segir að hann telji sig vera kominn á endastöð með liðið og því hafi hann hætt. Leit stendur yfir að eftirmanni hans.
Fylkir er í næstneðsta sæti Pepsi-deildar kvenna eftir tíu umferðir með aðeins fjögur stig.
Jón Aðalsteinn hættur hjá Fylki
