Golf

Valdís Þóra komst ekki í gegnum niðurskurðinn

Ingvi Þór Sæmundsson skrifar
Valdís Þóra keppir á Opna bandaríska meistaramótinu í golfi um þarnæstu helgi.
Valdís Þóra keppir á Opna bandaríska meistaramótinu í golfi um þarnæstu helgi. mynd/gsí
Valdís Þóra Jónsdóttir komst ekki í gegnum niðurskurðinn á Ladies European Thailand Championship-mótinu í Tælandi. Mótið er hluti af Evrópumótaröðinni í golfi.

Valdís Þóra lék annan hringinn í nótt á fimm höggum yfir pari.

Í gær lék hún á sex höggum yfir pari og lauk því leik á samtals 11 höggum yfir pari og var talsvert langt frá því að ná niðurskurðinum.

Það er nóg að gera hjá Valdísi Þóru sem tekur þátt á Opna bandaríska meistaramótinu í golfi um þarnæstu helgi. Mótið er eitt af fimm risamótum ársins í golfi.

Valdís Þóra var fyrst á biðlista inn á Opna bandaríska eftir að hafa náð góðum árangri á úrtökumóti á Englandi á dögunum.

Golf

Tengdar fréttir

Mest lesið


Fleiri fréttir

Sjá meira


×

Mest lesið