Sjanghæ – æj! Sirrý Hallgrímsdóttir skrifar 9. september 2017 07:00 Þetta er dularfullt og kallar á rannsókn. Kínversk kona opnar kínverskan veitingastað á Akureyri. Ef þetta er ekki uppskrift af mansali þá veit ég ekki hvað. Það hefði alveg eins getað verið stórt skilti utan á veitingastaðnum – mannrán og mansal – og eins gott að við höfum RÚV. Síðan reynist þetta allt rugl, ekkert mansal. Og þá byrja allir að skammast í RÚV fyrir óvönduð vinnubrögð. En það er ómaklegt. Í fyrsta lagi er krafa um að fréttastofa RÚV eigi ekki að fara fram með svona frétt, sem geti haft meiðandi áhrif nema hún hafi unnið alla heimildavinnu sína vel og rækilega, mjög ósanngjörn. Ef fréttastofan á að vinna eftir slíkum íþyngjandi reglum tæki eilífð að gera fréttir. Fréttin á að fara strax í loftið og svo getur kínverska konan sannað sakleysi sitt eins og aðrir. Í öðru lagi þá væri það brot á tjáningarfrelsi fréttamanna RÚV að setja þá undir strangar reglur um vönduð vinnubrögð. Möguleikar fréttamanna RÚV til að berjast fyrir því sem þeir vita að er satt og rétt væru verulega þrengir með gamaldags kröfum um slík vinnubrögð. Í þriðja lagi þá gerist næstum aldrei neitt á Akureyri. Loksins þegar eitthvað gerist, á þá að bíða með fréttina þangað til í ljós kemur að ekkert hafi gerst? Auðvitað á RÚV ekki að biðjast afsökunar, það væri fráleitt. Þessi kínverska kona gat sagt sér það sjálf að það væri óeðlilegt að opna veitingastað á Akureyri. Best að bíða, þetta gengur yfir á næstu dögum. Síðan getur fréttastofan haldið áfram eins og ekkert hafi í skorist. Höfundur er pistlahöfundur Fréttablaðsins. Viltu birta grein á Vísi? Sendu okkur póst. Senda grein Birtist í Fréttablaðinu Sirrý Hallgrímsdóttir Mest lesið Þriggja stiga þögn Bjarni Karlsson Skoðun Skýr stefna um málfrelsi Róbert H. Haraldsson Skoðun Hvers vegna sífellt fleiri sækjast eftir einveru Ingrid Kuhlman Skoðun Nú þarf að gyrða sig í brók Gunnlaugur Stefánsson Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei Skoðun „Stóra fallega frumvarpið“ hans Trump Gunnar Alexander Ólafsson Skoðun Verndun vatns og stjórn vatnamála Ólafur Arnar Jónsson,Sigurður Guðjónsson Skoðun Gegn hernaði hvers konar Gunnar Björgvinsson Skoðun Sjallar og lyklaborðið Sigfús Ómar Höskuldsson Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun
Þetta er dularfullt og kallar á rannsókn. Kínversk kona opnar kínverskan veitingastað á Akureyri. Ef þetta er ekki uppskrift af mansali þá veit ég ekki hvað. Það hefði alveg eins getað verið stórt skilti utan á veitingastaðnum – mannrán og mansal – og eins gott að við höfum RÚV. Síðan reynist þetta allt rugl, ekkert mansal. Og þá byrja allir að skammast í RÚV fyrir óvönduð vinnubrögð. En það er ómaklegt. Í fyrsta lagi er krafa um að fréttastofa RÚV eigi ekki að fara fram með svona frétt, sem geti haft meiðandi áhrif nema hún hafi unnið alla heimildavinnu sína vel og rækilega, mjög ósanngjörn. Ef fréttastofan á að vinna eftir slíkum íþyngjandi reglum tæki eilífð að gera fréttir. Fréttin á að fara strax í loftið og svo getur kínverska konan sannað sakleysi sitt eins og aðrir. Í öðru lagi þá væri það brot á tjáningarfrelsi fréttamanna RÚV að setja þá undir strangar reglur um vönduð vinnubrögð. Möguleikar fréttamanna RÚV til að berjast fyrir því sem þeir vita að er satt og rétt væru verulega þrengir með gamaldags kröfum um slík vinnubrögð. Í þriðja lagi þá gerist næstum aldrei neitt á Akureyri. Loksins þegar eitthvað gerist, á þá að bíða með fréttina þangað til í ljós kemur að ekkert hafi gerst? Auðvitað á RÚV ekki að biðjast afsökunar, það væri fráleitt. Þessi kínverska kona gat sagt sér það sjálf að það væri óeðlilegt að opna veitingastað á Akureyri. Best að bíða, þetta gengur yfir á næstu dögum. Síðan getur fréttastofan haldið áfram eins og ekkert hafi í skorist. Höfundur er pistlahöfundur Fréttablaðsins.
Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei Skoðun
Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun
Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei Skoðun
Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun