Kvika og fjárfestar keyptu Kortaþjónustuna á eina krónu Hörður Ægisson skrifar 8. nóvember 2017 06:30 Bræðurnir Lýður og Ágúst Guðmundssynir, sem eru aðaleigendur Bakkavarar, eru á meðal fjárfesta sem komu að kaupunum á Kortaþjónustunni í gegnum eignarhaldsfélagið Frigus. Fjárfestingabankinn Kvika og hópur einkafjárfesta, meðal annars hjónin Svanhildur Nanna Vigfúsdóttir og Guðmundur Örn Þórðarson, stórir hluthafar í Kviku og VÍS, bræðurnir Ágúst og Lýður Guðmundssynir og Sigurður Bollason keyptu færsluhirðingarfyrirtækið Kortaþjónustuna í síðustu viku á aðeins eina krónu. Samtímis kaupunum lagði fjárfestahópurinn félaginu til 1.500 milljónir í nýtt hlutafé, samkvæmt heimildum Markaðarins, en Kortaþjónustan stóð frammi fyrir alvarlegum lausafjárvanda í kjölfar greiðslustöðvunar Monarch í byrjun október. Kortaþjónustan var á meðal átta fyrirtækja sem sáu um færsluhirðingu fyrir flugfélagið. Áfallið sem Kortaþjónustan varð fyrir við gjaldþrot Monarch kom á sama tíma og eigendur þess voru langt komnir í viðræðum um sölu á fyrirtækinu til ástralsks fjárfestingasjóðs fyrir um 80 milljónir evra, jafnvirði um tíu milljarða króna. Búið var að ljúka áreiðanleikakönnun vegna fyrirhugaðrar sölu á félaginu, samkvæmt öruggum heimildum Markaðarins. Ekkert varð hins vegar af kaupum sjóðsins þegar ljóst varð að Kortaþjónustan yrði fyrir miklu fjárhagstjóni þegar breska flugfélagið óskaði eftir greiðslustöðvun. Kortaþjónustan hafði tekið á sig áhættu með viðskiptunum við Monarch vegna fjármuna sem viðskiptavinir flugfélagsins höfðu greitt fyrir flugferðir sem það gat síðar ekki staðið við. Var fyrirtækið í þeim tilfellum í ábyrgð fyrir greiðslum sem höfðu farið beint til Monarch við kaup á farmiðum. Kaup Kviku og fjárfestahópsins á Kortaþjónustunni gengu afar hratt í gegn, eða á aðeins um tveimur vikum, en fjárfestingabankinn á rúmlega 40 prósenta hlut eftir viðskiptin á meðan aðrir hluthafar eiga undir 10 prósenta hlut hver í fyrirtækinu. Kvika átti áður um tíu prósenta hlut í fyrirtækinu en seldi hann í ársbyrjun 2016. Með þeirri hlutafjáraukningu sem fjárfestarnir standa að hefur rekstrarhæfi Kortaþjónustunnar verið tryggt og þá eru engin útistandandi mál gagnvart innlendum eða erlendum viðskiptavinum fyrirtækisins. Fráfarandi eigendur Kortaþjónustunnar eru hjónin Jóhannes Ingi Kolbeinsson, framkvæmdastjóri þess um árabil, og Andrea Kristín Jónsdóttir, og Gunnar M. Gunnarsson, forstöðumaður hugbúnaðarsviðs. Samkvæmt heimildum var um það samið að þeir gætu mögulega, að uppfylltum tilteknum skilyrðum, nýtt sér kauprétt seinna meir og eignast þannig allt að 30 prósenta hlut í fyrirtækinu.Svanhildur Nanna Vigfúsdóttir og eiginmaður hennar, Guðmundur Örn Þórðarson, sem eru stóri hluthafar í VÍS og Kviku, hafa eignast um sjö prósenta hlut í Kortaþjónustunni.vísir/anton brinkNýir hluthafar funda í dag Auk Bakkavararbræðra, hjónanna Svanhildar og Guðmundar og Sigurðar Bollasonar, sem eru á meðal stærstu hluthafa Kviku, samanstóð kaupendahópurinn af fjölmörgum öðrum einkafjárfestum. Aðrir fjárfestar, samkvæmt öruggum heimildum Markaðarins, voru fjárfestingafélagið Óskabein, stór hluthafi í VÍS og er meðal annars í eigu Gests Breiðfjörðs Gestssonar, Andra Gunnarssonar og Fannars Ólafssonar, Sigurður Valtýsson, fyrrverandi forstjóri Exista og viðskiptafélagi Bakkavararbræðra, Garðar Vilhjálmsson, eigandi bílaleigunnar Geysis, fjárfestingafélagið Varða Capital, sem er að stærstum hluta í eigu Jónasar Hagans Guðmundssonar og Gríms Garðarssonar, Gunnar Sverrir Harðarson og Þórarinn Arnar Sævarsson, eigendur RE/MAX á Íslandi og hluthafar í Kviku, eignarhaldsfélagið JÖKÁ, sem er meðal annars í eigu Zimsen-systkinanna, og Gunnar H. Gunnarsson, fyrrverandi eigandi Prooptik og hluthafi í Kviku. Þá komu Akta sjóðir, rekstrarfélag í meirihlutaeigu Kviku, að kaupunum. Í samtölum við þá sem standa að fjárfestingunni í Kortaþjónustunni er ljóst að að væntingar eru um að hún geti skilað afar ríkulegri ávöxtun, jafnvel margfaldast, á allra næstu árum en fyrirtækið hefur verið í miklum vexti að undanförnu. Tekjur félagsins námu 2,3 milljörðum í fyrra og höfðu þá meira en tvöfaldast frá árinu 2015. Samkvæmt heimildum Markaðarins gerðu áætlanir stjórnenda ráð fyrir því að hagnaður fyrir fjármagnsliði, afskriftir og skatta (EBITDA) yrði um 1.100 milljónir á þessu ári. Ljóst er að það mun ekki ganga eftir vegna greiðslustöðvunar Monarch og áhrifa hennar á fjárhag og rekstur Kortaþjónustunnar. Nýir hluthafar Kortaþjónustunnar munu hittast á óformlegum fundi í dag, miðvikudag, samkvæmt heimildum Markaðarins, en ekki hefur verið ákveðið hverjir skipa nýja stjórn þess. Uppfært kl. 07:43: Í upphaflegri útgáfu fréttarinnar sagði að ekki væri búið að taka ákvörðun hver yrði framkvæmdastjóri Kortaþjónustunnar eftir kaup Kviku og fjárfestahópsins. Hið rétta er að Jóhannes Ingi Kolbeinsson, sem hefur stýrt félaginu um árabil, verður áfram framkvæmdastjóri fyrirtækisins. Fréttin birtist fyrst í Markaðnum, fylgiriti Fréttablaðsins um viðskipti og fjármál. Mest lesið „Alltaf leiðindamál að lenda í svona“ Viðskipti erlent Framkvæmdastjóri í góðri æfingu með brandara og hrekki Atvinnulíf Gjaldþrotin námu 1,2 milljörðum króna Viðskipti innlent Húsið selt á 78 milljónir og Jakub þarf að reiða fram milljón Viðskipti innlent „Þetta eru mjög mikil vonbrigði fyrir okkur“ Viðskipti innlent Forstjóri Flügger ákærður fyrir brot á viðskiptaþvingunum Viðskipti erlent Að sleikja narsisstann upp í vinnunni Atvinnulíf Tekjur Haga jukust á fyrsta ársfjórðungi Viðskipti innlent Stýrivextir líklegast ekki lækkaðir aftur á þessu ári Viðskipti innlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira
Fjárfestingabankinn Kvika og hópur einkafjárfesta, meðal annars hjónin Svanhildur Nanna Vigfúsdóttir og Guðmundur Örn Þórðarson, stórir hluthafar í Kviku og VÍS, bræðurnir Ágúst og Lýður Guðmundssynir og Sigurður Bollason keyptu færsluhirðingarfyrirtækið Kortaþjónustuna í síðustu viku á aðeins eina krónu. Samtímis kaupunum lagði fjárfestahópurinn félaginu til 1.500 milljónir í nýtt hlutafé, samkvæmt heimildum Markaðarins, en Kortaþjónustan stóð frammi fyrir alvarlegum lausafjárvanda í kjölfar greiðslustöðvunar Monarch í byrjun október. Kortaþjónustan var á meðal átta fyrirtækja sem sáu um færsluhirðingu fyrir flugfélagið. Áfallið sem Kortaþjónustan varð fyrir við gjaldþrot Monarch kom á sama tíma og eigendur þess voru langt komnir í viðræðum um sölu á fyrirtækinu til ástralsks fjárfestingasjóðs fyrir um 80 milljónir evra, jafnvirði um tíu milljarða króna. Búið var að ljúka áreiðanleikakönnun vegna fyrirhugaðrar sölu á félaginu, samkvæmt öruggum heimildum Markaðarins. Ekkert varð hins vegar af kaupum sjóðsins þegar ljóst varð að Kortaþjónustan yrði fyrir miklu fjárhagstjóni þegar breska flugfélagið óskaði eftir greiðslustöðvun. Kortaþjónustan hafði tekið á sig áhættu með viðskiptunum við Monarch vegna fjármuna sem viðskiptavinir flugfélagsins höfðu greitt fyrir flugferðir sem það gat síðar ekki staðið við. Var fyrirtækið í þeim tilfellum í ábyrgð fyrir greiðslum sem höfðu farið beint til Monarch við kaup á farmiðum. Kaup Kviku og fjárfestahópsins á Kortaþjónustunni gengu afar hratt í gegn, eða á aðeins um tveimur vikum, en fjárfestingabankinn á rúmlega 40 prósenta hlut eftir viðskiptin á meðan aðrir hluthafar eiga undir 10 prósenta hlut hver í fyrirtækinu. Kvika átti áður um tíu prósenta hlut í fyrirtækinu en seldi hann í ársbyrjun 2016. Með þeirri hlutafjáraukningu sem fjárfestarnir standa að hefur rekstrarhæfi Kortaþjónustunnar verið tryggt og þá eru engin útistandandi mál gagnvart innlendum eða erlendum viðskiptavinum fyrirtækisins. Fráfarandi eigendur Kortaþjónustunnar eru hjónin Jóhannes Ingi Kolbeinsson, framkvæmdastjóri þess um árabil, og Andrea Kristín Jónsdóttir, og Gunnar M. Gunnarsson, forstöðumaður hugbúnaðarsviðs. Samkvæmt heimildum var um það samið að þeir gætu mögulega, að uppfylltum tilteknum skilyrðum, nýtt sér kauprétt seinna meir og eignast þannig allt að 30 prósenta hlut í fyrirtækinu.Svanhildur Nanna Vigfúsdóttir og eiginmaður hennar, Guðmundur Örn Þórðarson, sem eru stóri hluthafar í VÍS og Kviku, hafa eignast um sjö prósenta hlut í Kortaþjónustunni.vísir/anton brinkNýir hluthafar funda í dag Auk Bakkavararbræðra, hjónanna Svanhildar og Guðmundar og Sigurðar Bollasonar, sem eru á meðal stærstu hluthafa Kviku, samanstóð kaupendahópurinn af fjölmörgum öðrum einkafjárfestum. Aðrir fjárfestar, samkvæmt öruggum heimildum Markaðarins, voru fjárfestingafélagið Óskabein, stór hluthafi í VÍS og er meðal annars í eigu Gests Breiðfjörðs Gestssonar, Andra Gunnarssonar og Fannars Ólafssonar, Sigurður Valtýsson, fyrrverandi forstjóri Exista og viðskiptafélagi Bakkavararbræðra, Garðar Vilhjálmsson, eigandi bílaleigunnar Geysis, fjárfestingafélagið Varða Capital, sem er að stærstum hluta í eigu Jónasar Hagans Guðmundssonar og Gríms Garðarssonar, Gunnar Sverrir Harðarson og Þórarinn Arnar Sævarsson, eigendur RE/MAX á Íslandi og hluthafar í Kviku, eignarhaldsfélagið JÖKÁ, sem er meðal annars í eigu Zimsen-systkinanna, og Gunnar H. Gunnarsson, fyrrverandi eigandi Prooptik og hluthafi í Kviku. Þá komu Akta sjóðir, rekstrarfélag í meirihlutaeigu Kviku, að kaupunum. Í samtölum við þá sem standa að fjárfestingunni í Kortaþjónustunni er ljóst að að væntingar eru um að hún geti skilað afar ríkulegri ávöxtun, jafnvel margfaldast, á allra næstu árum en fyrirtækið hefur verið í miklum vexti að undanförnu. Tekjur félagsins námu 2,3 milljörðum í fyrra og höfðu þá meira en tvöfaldast frá árinu 2015. Samkvæmt heimildum Markaðarins gerðu áætlanir stjórnenda ráð fyrir því að hagnaður fyrir fjármagnsliði, afskriftir og skatta (EBITDA) yrði um 1.100 milljónir á þessu ári. Ljóst er að það mun ekki ganga eftir vegna greiðslustöðvunar Monarch og áhrifa hennar á fjárhag og rekstur Kortaþjónustunnar. Nýir hluthafar Kortaþjónustunnar munu hittast á óformlegum fundi í dag, miðvikudag, samkvæmt heimildum Markaðarins, en ekki hefur verið ákveðið hverjir skipa nýja stjórn þess. Uppfært kl. 07:43: Í upphaflegri útgáfu fréttarinnar sagði að ekki væri búið að taka ákvörðun hver yrði framkvæmdastjóri Kortaþjónustunnar eftir kaup Kviku og fjárfestahópsins. Hið rétta er að Jóhannes Ingi Kolbeinsson, sem hefur stýrt félaginu um árabil, verður áfram framkvæmdastjóri fyrirtækisins. Fréttin birtist fyrst í Markaðnum, fylgiriti Fréttablaðsins um viðskipti og fjármál.
Mest lesið „Alltaf leiðindamál að lenda í svona“ Viðskipti erlent Framkvæmdastjóri í góðri æfingu með brandara og hrekki Atvinnulíf Gjaldþrotin námu 1,2 milljörðum króna Viðskipti innlent Húsið selt á 78 milljónir og Jakub þarf að reiða fram milljón Viðskipti innlent „Þetta eru mjög mikil vonbrigði fyrir okkur“ Viðskipti innlent Forstjóri Flügger ákærður fyrir brot á viðskiptaþvingunum Viðskipti erlent Að sleikja narsisstann upp í vinnunni Atvinnulíf Tekjur Haga jukust á fyrsta ársfjórðungi Viðskipti innlent Stýrivextir líklegast ekki lækkaðir aftur á þessu ári Viðskipti innlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira