GameTíví: Ferðalagið í fyrstu deildina heldur áfram

Næsti þátturinn í ferðalagi þeirra Óla Jóels og Tryggva úr GameTíví í fyrstu deild Ultimate Team í FIFA 18 er kominn í loftið. Þeir hafa sett sér það markmið að koma sameiginlegu liði þeirra, GameTíví FC, í Ultimate Team í FIFA 18 í fyrstu deildina.

Nú þurfa þeir bara að vinna einn leik til þess að komast upp úr tíundu deildinni og reyndi verulega á samstarfið í þessum þætti. Þá stríddi netið strákunum og átti Óli erfitt með skapið.

Á næstunni munu Óli og Tryggvi birta innslög þar sem þeir munu spila fullt af leikjum á leið sinni á toppinn.