Bíllinn verður með 400 hestafla 5,0 lítra V8 vél. Fyrir vikið er hann aðeins 5,6 sekúndur í 100, en hámarkshraði bílsins takmarkast við 170 km hraða sem helgast mest af því að bíllinn er svo kantaður að hann klýfur loftið mjög illa. Þessi lokaútgáfa bílsins mun kosta 150.000 pund, eða 21,5 milljónir króna í sinni ódýrustu mynd, en Land Rover ætlar að smíða bílinn bæði í 90 model og 110 model útgáfum. Ef kaupendur bílsins tikka í flest lúxusbúnaðarboxin verður eintakið þó talsvert dýrara.
Það er því ekki nema fyrir efnaða að kaupa þessa lokaútgáfu, en ekki lengur hinn hefðbundna bónda. Land Rover þarf að sjálfsögðu að breyta fjöðrunarbúnaði og bremsukerfi bílsins í takt við þá stóru vél sem í bílnum verður en að auki mun víða sjást á bílnum að þar fer þessi lokaútgáfa. Bíllinn verður með 8 gíra sjálfskiptingu.

