Sjö félög fá mestu HM-peningana frá KSÍ

Knattspyrnusamband Íslands hefur ákveðið hvernig HM-peningarnir skiptast á milli aðildarfélaga sinna en KSÍ greiðir alls 200 milljónir króna til aðildarfélaga KSÍ vegna HM í Rússlandi.

Íslenska sambandið fékk mikinn pening vegna árangurs íslenska karlalandsliðsins sem vann sér sæti á heimsmeistaramótinu í fyrsta sinn í sögunni.

Fjármunum sem veitt er til aðildarfélaga skal eingöngu varið til knattspyrnutengdra verkefna félaganna en upphæðin var ákveðin á síðasta  ársþingi KSÍ sem fram fór 10. febrúar síðastliðinn. Stjórn KSÍ hefur nú ákveðið hvernig greiðslurnar skiptast á milli aðildarfélaga og segir frá skiptingunni á heimasíðu sinni.

Framlag til aðildarfélaga byggist fyrst og fremst á stöðu meistaraflokks karla og kvenna í deildum síðastliðin tvö ár eða árin 2017 og 2018. Við úthlutun eftir EM 2016 var miðað við árin 2014 til 2016.

Félögunum er skipt upp í tvo flokka. Annars vegar félög í deildarkeppni, sem eru með unglingastarf og hins vegar félög sem ekki standa fyrir barna- og unglingastarfi.

Félögin með unglingastarf, sem eru alls 47, fá liðlega 198,5 milljónir króna sem skiptast eftir gefnum stigum sem miðast við stöðu í deildum á áðurnefndu tímabili. Félögum án unglingastarfs, sem eru 30, er úthlutað alls tæplega 1,7 milljónum króna. Aðferðafræðin er því sambærileg því sem viðhöfð var árið 2016.

Sjö félög fá hæstu upphæðina eða 7.586.191 milljónir. Þau eru Breiðablik, FH, ÍBV, KR, Stjarnan, Valur og Grindavík.

„Þeir fjármunir sem nú skila sér til knattspyrnufélaga á Íslandi skipta aðildarfélögin verulegu máli. Stjórn KSÍ væntir þess að þeim verði ráðstafað til verkefna sem skili bættu starfi til lengri tíma,“ segir meðal annars í frétt á heimasíðu KSÍ en skiptingin til félaganna er annars eftirfarandi.

HM framlag til aðildarfélaga KSÍ:

Breiðablik | 7.586.191

FH | 7.586.191

ÍBV | 7.586.191

KR | 7.586.191

Stjarnan | 7.586.191

Valur | 7.586.191

Grindavík | 7.586.191

Fylkir | 6.729.095

Selfoss | 6.319.874

ÍA | 6.319.874

Haukar | 6.319.874

Keflavík | 6.319.874

KA | 6.319.847

Fjölnir | 6.319.874

Víkingur R. | 6.115.264

Þróttur R. | 5.910.653

ÍR | 5.910.653

Þór Akureyri | 5.501.432

Víkingur Ólafsvík | 5.501.432

HK | 5.296.821

Fram | 4.887.600

Leiknir R. | 4.273.769

Grótta | 3.682.990

Magni | 3.864.548

Njarðvík | 3.864.548

Sindri | 3.682.990

Tindastóll | 3.682.990

Völsungur | 3.273.769

Leiknir F. | 3.134.634

Afturelding | 3.069.158

Höttur | 2.725.412

Fjarðarbyggð | 2.725.412

Huginn | 2.455.327

Vestri | 2.455.327

Einherji | 2.455.327

Víðir | 2.455.327

Þróttur V. | 2.046.105

KF | 1.636.884

Dalvík/Reynir | 1.636.884

Álftanes | 1.636.884

Ægir | 1.636.884

Reynir S. | 1.227.663

KFR | 818.442

Snæfell/UDN | 818.442

Skallagrímur | 818.442

Kormákur/Hvöt | 818.442

Hamar | 818.442

Félög án barna- og unglingastarfs, 30 félög, fá samtals 1,7 milljónir króna, eða 56.000.- hvert félag.