Ásgeir með slitið krossband

Ásgeir Sigurgeirsson, leikmaður KA í Pepsi deild karla, er með slitið krossband. Þetta staðfesti hann við Vísi í dag.

Ásgeir meiddist í leik KA og Vals á sunnudaginn og var strax ljóst að um alvarleg meiðsli væri að ræða. Í Pepsimörkunum á Stöð 2 Sport á sunnudag sagði Hörður Magnússon að Ásgeir hefði verið svæfður á vellinum því hann var svo þjáður.

Húsvíkingurinn sagðist ekki vita hve lengi hann yrði frá en ljóst er að leikmenn eru oft frá í 9-12 mánuði eftir krossbandsslit.

Ásgeir hefur áður slitið krossband fyrir um fjórum árum síðan en það var í hinu hnénu.

Meiðsli Ásgeirs eru mikið áfall fyrir KA en hann hefur verið einn þeirra besti maður í sumar, skorað 10 mörk í 19 leikju.