Tæplega þúsund börn féllu í Afganistan á síðasta ári Heimsljós kynnir 25. febrúar 2019 12:00 Ljósmynd frá Afganistan Bilal Sarwary/IRIN Vopnuð átak í Afganistan kostuðu 3800 mannslíf óbreyttra borgara á síðasta ári, segir í nýrri skýrslu Sameinuðu þjóðanna. Af þessum fjölda féllu 927 börn. Þau hafa aldrei verið fleiri meðal látinna á síðustu tíu árum. Rúmlega sjö þúsund borgarar særðust og allar þessar tölur eru til marks um harðnandi átök að mati UNAMA, stofnunar Sameinuðu þjóðanna um Afganistan. Aukið ofbeldi og aukið mannfall er rakið til annars vegar fleiri sjálfsmorðsárása vígasveitar Íslamskra ríkisins, ISKP, og hins vegar til fjölgunar aðgerða í lofti og láði á vegum stjórnarhersins. „Sú staðreynd að aldrei fyrr hafi jafn mörg börn verið drepið er hreint út sagt skelfilegt,“ segir Michelle Bachelet mannréttindastjóri Sameinuðu þjóðanna.Skýrsla UNAMA er sú tíunda í röðinni um þjáningar afgönsku þjóðarinnar vegna vopnaðra átaka í landinu sem hafa leitt til 32 þúsund ótímabærra dauðsfalla óbreyttra borgara á einum áratug. Tvöfalt fleiri, eða um 60 þúsund manns, hafa særst í átökum á þessum tíma. Afganistan er eitt þriggja áherslulanda Íslands í alþjóðlegri þróunarsamvinnu. Ísland veitir framlög beint í aðgerðaáætlun UN Women í Afganistan. Meðal verkefna má nefna stuðning við miðstöðvar fyrir upplýsinga- og fjarskiptatækni og vitundavakningu um Kvennasáttmálann (CEDAW) meðal háskólanema, embættismanna og fulltrúa borgarasamtaka í gegnum vinnustofur og námskeið. Einnig veitir stofnunin ríkistjórninni stuðning við gerð áætlunar um og eftirlit við framkvæmd ályktunar um konur, frið og öryggi. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Nafn mannsins sem lést í vinnuslysi í Árborg Innlent Reyndist ekki faðir stúlknanna Innlent
Vopnuð átak í Afganistan kostuðu 3800 mannslíf óbreyttra borgara á síðasta ári, segir í nýrri skýrslu Sameinuðu þjóðanna. Af þessum fjölda féllu 927 börn. Þau hafa aldrei verið fleiri meðal látinna á síðustu tíu árum. Rúmlega sjö þúsund borgarar særðust og allar þessar tölur eru til marks um harðnandi átök að mati UNAMA, stofnunar Sameinuðu þjóðanna um Afganistan. Aukið ofbeldi og aukið mannfall er rakið til annars vegar fleiri sjálfsmorðsárása vígasveitar Íslamskra ríkisins, ISKP, og hins vegar til fjölgunar aðgerða í lofti og láði á vegum stjórnarhersins. „Sú staðreynd að aldrei fyrr hafi jafn mörg börn verið drepið er hreint út sagt skelfilegt,“ segir Michelle Bachelet mannréttindastjóri Sameinuðu þjóðanna.Skýrsla UNAMA er sú tíunda í röðinni um þjáningar afgönsku þjóðarinnar vegna vopnaðra átaka í landinu sem hafa leitt til 32 þúsund ótímabærra dauðsfalla óbreyttra borgara á einum áratug. Tvöfalt fleiri, eða um 60 þúsund manns, hafa særst í átökum á þessum tíma. Afganistan er eitt þriggja áherslulanda Íslands í alþjóðlegri þróunarsamvinnu. Ísland veitir framlög beint í aðgerðaáætlun UN Women í Afganistan. Meðal verkefna má nefna stuðning við miðstöðvar fyrir upplýsinga- og fjarskiptatækni og vitundavakningu um Kvennasáttmálann (CEDAW) meðal háskólanema, embættismanna og fulltrúa borgarasamtaka í gegnum vinnustofur og námskeið. Einnig veitir stofnunin ríkistjórninni stuðning við gerð áætlunar um og eftirlit við framkvæmd ályktunar um konur, frið og öryggi. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Nafn mannsins sem lést í vinnuslysi í Árborg Innlent Reyndist ekki faðir stúlknanna Innlent