Besta keppni lífsins hjá Bottas

Fyrsta mót ársins í Formúlu 1 fór fram í Ástralíu um helgina. Valtteri Bottas vann keppnina á Mercedes. Keppninni voru gerð góð skil á Stöð 2 Sport.

Aðstæður voru með því besta sem gerist í gær og Bottas ræsti nær fullkomlega og kom sér fram úr Lewis Hamilton sem byrjaði á ráspól.

Daniel Ricciardo lenti í veseni strax í upphafi sem á endanum kostaði hann þátttöku í keppninni.

Það réð enginn við hraða Bottas sem vann öruggan sigur á Albert Park brautinni. Hann átti erfitt með að finna orðin til þess að lýsa keppninni þegar hann kom í mark en sagði þó að þetta hefði verið besta keppni lífs hans.

Uppgjörsþáttinn má sjá hér fyrir neðan.