Laun bankastjóra Íslandsbanka og Landsbankans hafa verið lækkuð. Frá þessu er greint í bréfi Bankasýslu ríkisins til fjármála- og efnahagsráðherra í dag.
Laun Birnu Einarsdóttur, bankastjóra Íslandsbanka, verða 3.650.000 á mánuði án hlunninda frá og með 1. apríl. Laun hennar í dag eru 4.200.000 á mánuði en námu 3.850.000 á mánuði þegar ríkissjóður eignaðist allt hlutafé í bankanum árið 2016.
Þá hefur kaupaukakerfi bankans einnig verið afnumið með breytingum á eignarhaldi bankans. Samkvæmt upplýsingum Bankasýslunnar nema hlunnindi Birnu frá og með 1. apríl um 200 þúsund krónum á mánuði.
Nema því laun hennar með hlunnindum frá og með 1. apríl 3.850 þúsund krónum.
Hefur því öll hækkun sem varð frá yfirtöku ríkisins á bankanum verið dregin til baka.
Laun Lilju Bjarkar Einarsdóttur, bankastjóra Landsbankans, hafa verið lækkuð úr 3,8 milljónum króna í 3,2 milljónir króna og verða bifreiðahlunnindi hennar 206 þúsund krónur. Með hlunnindum verða heildarmánaðarlaun Lilju Bjarkar 3,5 milljónir króna frá og með 1. apríl næstkomandi.
Laun bankastjóra lækkuð
Tengdar fréttir
Hækkuðu laun Birnu í tvígang eftir tilmæli um hófsemi
Í bréfi fjármála- og efnahagsráðuneytisins, dags. 6. janúar 2017, er að finna tilmæli sem náðu m.a. til bankaráðs Íslandsbanka um ákvörðun launa bankastjóra bankans.
Bjarni fer fram á tafarlausa endurskoðun launa bankastjóra
Segir launahækkanirnar senda ósættanleg skilaboð inn í yfirstandandi kjaraviðræður.
