KA fær spænskan miðjumann

KA hefur fengið til sín spænskan miðjumann til þess að fylla skarð Daníels Hafsteinssonar.

Iosu Villar er 32 ára Spánverji sem hefur spilað allan sinn feril í spænsku C-deildinni. Hann var síðast á mála hjá Ibiza og skoraði tvö mörk í 30 leikjum. 

„KA seldi á dögunum Daníel Hafsteinsson til Helsingborgs IF og ljóst að liðið þurfti að fylla hans skarð og bindum við miklar vonir við Iosu það sem eftir er af tímabilinu,“ sagði í tilkynningu KA.

KA tekur á móti ÍA í Pepsi Max deild karla á sunnudag.