Halldór Orri aftur í Stjörnuna

Eftir þrjú ár hjá FH er Halldór Orri Björnsson genginn í raðir Stjörnunnar á ný.

pic.twitter.com/NnrVQCCpnO

— Stjarnan FC (@FCStjarnan) October 30, 2019

Halldór Orri er markahæsti leikmaður Stjörnunnar í efstu deild frá upphafi og einn sá leikjahæsti.

Hann hefur alls leikið 188 leiki í efstu deild á Íslandi og skorað 59 mörk. Halldór Orri lék einnig um tíma með Falkenbergs í Svíþjóð.

Halldór Orri er þriðji leikmaðurinn sem Stjarnan fær til sín eftir að síðasta tímabili lauk. Áður voru Emil Atlason og Vignir Jóhannesson komnir. Baldur Sigurðsson og Guðjón Orri Sigurjónsson eru hins vegar horfnir á braut.

Stjarnan endaði í 4. sæti Pepsi Max-deildar karla á síðasta tímabili.