Gunnar Nielsen áfram hjá FH

Gunnar Nielsen verður áfram í herbúðum FH en hann framlengdi samning sinn við félagið í dag.

Mikið hefur verið rætt um framtíð Gunnars, en hann missti sæti sitt í byrjunarliði FH síðasta sumar eftir að hann meiddist. Daði Freyr Arnarson tók við af Gunnari í meiðslunum og stóð sig svo vel í markinu að færeyski landsliðsmarkvörðurinn þurfti að sitja á bekknum.

Gunnar skrifaði undir samning við FH sem gildir til 2021. Hann hefur verið hjá FH síðustu ár en spilaði áður með Stjörnunni árið 2015.

FH varð í þriðja sæti Pepsi Max deildarinnar í haust, Gunnar spilaði þrjá af deildarleikjum FH á síðasta tímabili.

View this post on Instagram

Gleðifréttir úr Kaplakrika: Gunnar Nielsen skrifaði í dag undir nýjan samning við FH sem gildir út tímabilið 2021. #ViðerumFH

A post shared by FH-ingar (@fhingar) on Nov 28, 2019 at 9:48am PST