Jóhannes stýrði Aroni og fé­lögum upp í efstu deild eftir ó­trú­lega endur­komu

Start er komið upp í norsku úrvalsdeildina á nýjan leik eftir eitt ár í B-deildinni eftir ótrúlegan síðari leik gegn Lilleström í umspilinu í kvöld.

Start vann fyrri leikinn 2-1 en Aron Sigurðarson var í byrjunarliði Start á meðan Arnór Smárason var á bekknum hjá Lilleström í kvöld. Jóhannes Harðarson er þjálfari Start.

Lilleström var mikið sterkari aðilinn í fyrri hálfleik og var 2-0 yfir er liðin gengu til búningsherbergja. Þeir bættu svo tveimur mörkum við og voru 4-0 yfir, samanlagt 5-2 yfir, er klukkutími var búinn.

Á síðasta stundarfjórðungnum kviknaði hins vegar á gestunum frá Start. Martin Ramsland gerði þrjú mörk á sex mínútna kafla, frá 76. mínútu til þeirra 82., og leiknum lauk með 4-3 sigri Lilleström.

ELITESERIEN 2020!! VI KLARTE DET DERE!!

— IK Start (@ikstart) December 11, 2019

Samanlagt þó 5-5 og Start fer því áfram á fleiri skoruðum mörkum á útivelli. Jóhannes og Aron því í efstu deildinni á næstu leiktíð en Arnór, sem kom inn á sem varamaður er fimm mínútur voru eftir, á leið niður.

pic.twitter.com/r5r251iSBl

— IK Start (@ikstart) December 11, 2019