Umfjöllun: Ísland - Portúgal 32-23 | Níu marka sigur eftir ótrúlegan viðsnúning Ingvi Þór Sæmundsson skrifar 10. janúar 2021 17:48 Ýmir Örn Gíslason var öflugur í íslensku vörninni sem fékk aðeins tíu mörk á sig í seinni hálfleik. EPA/ESTELA SILVA Ísland vann stórsigur á Portúgal, 32-23, á Ásvöllum í öðrum leik liðanna af þremur á átta dögum. Íslendingum dugar nú að vinna síðustu þrjá leiki sína í undankeppni EM 2022 til að enda á toppi riðils 4. Eftir 25 mínútur benti nákvæmlega ekkert til þess að níu marka sigur yrði niðurstaðan. Portúgal var þá fimm mörkum yfir, 7-12, og með öll völd á vellinum. En misheppnuð sjö á sex tilraun Portúgala hleypti Íslendingum inn í leikinn. Íslensku strákarnir gripu tækifærið með báðum höndum, voru bara einu marki undir í hálfleik, 12-13, og svo miklu betri í seinni hálfleiknum. Þar fór Ágúst Elí Björgvinsson á kostum og tryggði sér væntanlega byrjunarliðssæti í fyrsta leiknum á HM sem er einmitt gegn Portúgal á fimmtudaginn. Hafnfirðingurinn varði ellefu skot, eða 41 prósent þeirra skota sem hann fékk á sig. Bjarki Már Elísson átti sömuleiðis frábæran leik og var markahæsti leikmaður Íslands með níu mörk úr aðeins tíu skotum. Selfyssingarnir Elvar Örn Jónsson, Ómar Ingi Magnússon og Janus Daði Smárason léku fyrir utan í seinni hálfleik og komust afar vel frá sínu. Ýmir Örn Gíslason var frábær í vörninni og Elliði Snær Viðarsson vann sér inn prik með öflugri frammistöðu á báðum endum vallarins. Ísland og Portúgal hafa nú unnið sitt hvora viðureignina í þessum þríleik sem lýkur í Egyptalandi á fimmtudaginn. Afleikur Portúgala Fyrstu 25 mínúturnar voru skelfilegar af Íslands hálfu. Sóknarleikurinn var enn stirðaði en í fyrri hálfleiknum á miðvikudaginn og vörnin var líka hriplek. Þá var markvarslan engin. Þrátt fyrir góða innkomu á miðvikudaginn byrjaði Ágúst Elí á bekknum en kom snemma inn á fyrir Björgvin Pál Gústavsson sem hafði ekki varið skot. Portúgalir voru miklu sterkari framan af leik, og það í bókstaflegri merkingu. Munurinn á líkamsstyrk var áþreifanlegur og íslensku leikmennirnir réðu lítið við þá portúgölsku maður gegn manni. Íslenska liðið átti fáar lausnir í sókninni, leikmenn virkuðu ragir og fundu ekki glufur á þéttri portúgalskri vörn. Í leiknum á miðvikudaginn tóku Portúgalir fram úr eftir að hafa sett sjöunda sóknarmanninn inn á. Það hafði þveröfug áhrif í þessum leik. Portúgal byrjaði að spila sjö á sex í stöðunni 7-12 og reyndist hinn mesti afleikur. Ísland skoraði fimm mörk í röð og jafnaði. Fyrstu fjögur mörkin komu með skotum yfir allan völlinn þar sem markvörður Portúgals sat á bekknum. Gestirnir skoruðu síðasta mark fyrri hálfleiks og leiddu, 12-13, að honum loknum. Staða sem íslenska liðið gat ágætlega við unað eftir afleitar fyrstu 25 mínútur. Magnaður viðsnúningur Í seinni hálfleik var íslenska liðið svo miklu sterkara og spilaði frábærlega á öllum sviðum. Ágúst Elí varði allt sem á markið kom og Portúgal skoraði aðeins tíu mörk í seinni hálfleiknum. Sóknarleikurinn gekk svo miklu betur og hraðaupphlaupin gengu smurt. Ísland skoraði fyrstu þrjú mörkin í seinni hálfleik og náði forystunni, 15-13. Ísland lét forskotið ekki af hendi eftir þetta. Portúgalir héngu í Íslendingum framan af seinni hálfleik en eftir um 12-13 mínútur í seinni hálfleik skildu leiðir. Íslendingar breyttu stöðunni úr 18-17 og 25-17 og þá var björninn unninn. Íslenska liðið raðaði inn mörkum á lokakaflanum og náði mest tíu marka forskoti. Á endanum munaði níu mörkum á liðunum, 32-23, og öruggur íslenskur sigur staðreynd. Frammistaðan í seinni hálfleik gefur góð fyrirheit fyrir heimsmeistaramótið en íslenska liðið hefur væntanlega ekki efni á að byrja jafn illa og það gerði í dag. En jákvæðu punktarnir eru klárlega fleiri en þeir neikvæðu eftir þessa fyrstu tvær viðureignir í þríleiknum gegn Portúgal.
Eftir 25 mínútur benti nákvæmlega ekkert til þess að níu marka sigur yrði niðurstaðan. Portúgal var þá fimm mörkum yfir, 7-12, og með öll völd á vellinum. En misheppnuð sjö á sex tilraun Portúgala hleypti Íslendingum inn í leikinn. Íslensku strákarnir gripu tækifærið með báðum höndum, voru bara einu marki undir í hálfleik, 12-13, og svo miklu betri í seinni hálfleiknum. Þar fór Ágúst Elí Björgvinsson á kostum og tryggði sér væntanlega byrjunarliðssæti í fyrsta leiknum á HM sem er einmitt gegn Portúgal á fimmtudaginn. Hafnfirðingurinn varði ellefu skot, eða 41 prósent þeirra skota sem hann fékk á sig. Bjarki Már Elísson átti sömuleiðis frábæran leik og var markahæsti leikmaður Íslands með níu mörk úr aðeins tíu skotum. Selfyssingarnir Elvar Örn Jónsson, Ómar Ingi Magnússon og Janus Daði Smárason léku fyrir utan í seinni hálfleik og komust afar vel frá sínu. Ýmir Örn Gíslason var frábær í vörninni og Elliði Snær Viðarsson vann sér inn prik með öflugri frammistöðu á báðum endum vallarins. Ísland og Portúgal hafa nú unnið sitt hvora viðureignina í þessum þríleik sem lýkur í Egyptalandi á fimmtudaginn. Afleikur Portúgala Fyrstu 25 mínúturnar voru skelfilegar af Íslands hálfu. Sóknarleikurinn var enn stirðaði en í fyrri hálfleiknum á miðvikudaginn og vörnin var líka hriplek. Þá var markvarslan engin. Þrátt fyrir góða innkomu á miðvikudaginn byrjaði Ágúst Elí á bekknum en kom snemma inn á fyrir Björgvin Pál Gústavsson sem hafði ekki varið skot. Portúgalir voru miklu sterkari framan af leik, og það í bókstaflegri merkingu. Munurinn á líkamsstyrk var áþreifanlegur og íslensku leikmennirnir réðu lítið við þá portúgölsku maður gegn manni. Íslenska liðið átti fáar lausnir í sókninni, leikmenn virkuðu ragir og fundu ekki glufur á þéttri portúgalskri vörn. Í leiknum á miðvikudaginn tóku Portúgalir fram úr eftir að hafa sett sjöunda sóknarmanninn inn á. Það hafði þveröfug áhrif í þessum leik. Portúgal byrjaði að spila sjö á sex í stöðunni 7-12 og reyndist hinn mesti afleikur. Ísland skoraði fimm mörk í röð og jafnaði. Fyrstu fjögur mörkin komu með skotum yfir allan völlinn þar sem markvörður Portúgals sat á bekknum. Gestirnir skoruðu síðasta mark fyrri hálfleiks og leiddu, 12-13, að honum loknum. Staða sem íslenska liðið gat ágætlega við unað eftir afleitar fyrstu 25 mínútur. Magnaður viðsnúningur Í seinni hálfleik var íslenska liðið svo miklu sterkara og spilaði frábærlega á öllum sviðum. Ágúst Elí varði allt sem á markið kom og Portúgal skoraði aðeins tíu mörk í seinni hálfleiknum. Sóknarleikurinn gekk svo miklu betur og hraðaupphlaupin gengu smurt. Ísland skoraði fyrstu þrjú mörkin í seinni hálfleik og náði forystunni, 15-13. Ísland lét forskotið ekki af hendi eftir þetta. Portúgalir héngu í Íslendingum framan af seinni hálfleik en eftir um 12-13 mínútur í seinni hálfleik skildu leiðir. Íslendingar breyttu stöðunni úr 18-17 og 25-17 og þá var björninn unninn. Íslenska liðið raðaði inn mörkum á lokakaflanum og náði mest tíu marka forskoti. Á endanum munaði níu mörkum á liðunum, 32-23, og öruggur íslenskur sigur staðreynd. Frammistaðan í seinni hálfleik gefur góð fyrirheit fyrir heimsmeistaramótið en íslenska liðið hefur væntanlega ekki efni á að byrja jafn illa og það gerði í dag. En jákvæðu punktarnir eru klárlega fleiri en þeir neikvæðu eftir þessa fyrstu tvær viðureignir í þríleiknum gegn Portúgal.
EM 2022 í handbolta Mest lesið Einkunnir Íslands: Þrjár heitastar í frostinu Fótbolti Albert og Mikael Egill í vondum málum á Ítalíu Fótbolti Vísar slúðrinu til föðurhúsanna Enski boltinn Ísak Bergmann lagði upp gegn Bayern Fótbolti „Við tókum bara þá ákvörðun að fara í Svanavatnið“ Fótbolti Uppgjörið: Njarðvík - Grindavík 85-84| Njarðvík fyrstar til að leggja Grindavík af velli Körfubolti Palace neitar að sleppa takinu á Liverpool Enski boltinn „Eitthvað sem ég mun aldrei gleyma“ Fótbolti Ótrúleg dramatík í Garðabæ og á Sauðárkróki Körfubolti Uppgjörið: Ísland - Norður-Írland 3-0 | Áfram hluti af elítunni Íslenski boltinn Fleiri fréttir Janus Daði myndaður í heimsókn hjá Barcelona Epicbet sýni handboltann í leyfisleysi: „Enda ólöglegar síður“ Teitur inn í landsliðið Gísli bjó til meira en þriðjung markanna Haukur magnaður í sigri Löwen Blær skoraði þrjú og lagði upp jöfnunarmarkið KA/Þór sótti sigur gegn Fram og stigalausar Stjörnukonur Fram kjöldró HK og spenna í Eyjum Meistararnir unnu gegn ÍBV og ÍR hafði betur gegn Selfyssingum Donni og félagar björguðu stigi undir lokin Afturelding komst upp að hlið Hauka Seldu bleika búninginn hennar Herrem fyrir meira en milljón „Leið vel þegar ég fór inn úr færinu“ Uppgjörið FH - Haukar 27-26 | Birgir Már tryggði FH sigur eftir spennutrylli Bernard fór mikinn en Valsmenn sluppu með sigurinn Fyrsti sigur Þórsara síðan í byrjun september Ómar Ingi með fullkomnan leik í Meistaradeildinni Guðjón Valur og lærisveinar hársbreidd frá því að vinna Kiel Hlakka til að sjá Viktor Gísla aftur og senda honum skilaboð Neyddar í sömu stöðu og Ísland og límdu melónur á skóna Hatar hvítu stuttbuxurnar Fjölga stórmótum landsliða í handboltanum Allt jafnt í bikarslag íslensku stelpnanna Orri fagnaði í Íslendingaslag í Meistaradeildinni Hjartavandamál halda Reyni frá keppni Stórar breytingar á Evrópukeppnum í handbolta Framarar töpuðu aftur á heimavelli í Evrópudeildinni Magdeburg komst örugglega áfram í sextán liða úrslitin Íslensku strákarnir áberandi í Evrópudeildinni „Stærri og sterkari en liðin sem við þekkjum hérna heima“ Sjá meira
Uppgjörið: Njarðvík - Grindavík 85-84| Njarðvík fyrstar til að leggja Grindavík af velli Körfubolti
Uppgjörið: Njarðvík - Grindavík 85-84| Njarðvík fyrstar til að leggja Grindavík af velli Körfubolti