Avatar halaði inn fjórum milljónum dala í kvikmyndahúsum í Kína á föstudaginn og fór þar með yfir Endgame aftur. Á heimsvísu hafa áhorfendur greitt alls rúmlega 2,8 milljarða dala til að sjá Avatar, samkvæmt frétt CNN, en það samsvarar um um 360 milljörðum króna.
Samkvæmt frétt Deadline hefur Endgame halað inn 2,797 milljörðum dala.
Irayo to our fans in China for coming out to see Avatar on the big screen this weekend! This crown belongs to Na vi Nation - it couldn t have happened without you. @jonlandau @JimCameron pic.twitter.com/6PWgrV1geg
— Avatar (@officialavatar) March 13, 2021
Leikstjórinn James Cameron sló eigið met þegar Avatar verð tekjuhæsta myndin árið 2010. Þar áður var Titanic, sem Cameron leikstýrði einnig, sú tekjuhæsta kvikmynd sem hafði verið framleidd.
Allar myndirnar þrjár eru nú í eigu Disney.
Þegar Endgame tók fram úr Avatar birti Cameron mynd af Iron Man á Pandoru.
Congratulations, @MarvelStudios! pic.twitter.com/DWZDX0uDVi
— Avatar (@officialavatar) July 22, 2019
Sjá einnig: James Cameron óskar Marvel til hamingju með að hafa slegið met sitt
Bræðurnir Joe og Anthony Russo, leikstjórar Endgame, virðast sömuleiðis hafa tekið þessum nýjustu fregnum vel og hrósuðu Cameron á instagram.
Cameron hefur um árabil unnið að gerð fjögurra nýrra kvikmynda í söguheimi Avatar. Frumsýningu fyrstu framhaldsmyndarinnar hefur ítrekað verið frestað og stendur nú til að frumsýna hana í desember á næsta ári.
Faraldur nýju kórónuveirunnar hefur komið niður á framleiðslu myndanna en Cameron sagði í september í fyrra að tökum fyrir Avatar 2 væri lokið og Avatar 3 væri langt komin.
Congratulations to @JimCameron ,@JonLandau , and ALL of Na'vi Nation for reclaiming the box office crown! We love you 3000. @OfficialAvatar pic.twitter.com/WlMWRcL15y
— Marvel Studios (@MarvelStudios) March 13, 2021
