Aron var í byrjunarliði Barcelona sem átti ekki í miklum vandræðum þegar CD BidaSoa Irun mætti í heimsókn í spænska handboltanum.
Nokkuð jafnt var með liðunum framan af í fyrri hálfleik en staðan var 18-13, Börsungum í vil, þegar gengið var til búningsherbergja.
Barcelona hélt svo áfram þar sem frá var horfið í seinni hálfleik og kláruðu loks átta marka sigur. Lokatölur 35-27, og Aron og félagar því komnir með 26 sigra í jafn mörgum leikjum.
Barcelona eru eftir sigurinn komnir með níu fingur á deildarmeistaratitilinn. Liðið hefur leikið einum leik minna en liðin í öðru til fimmta sæti og þau lið geta mest náð í 14 stig í viðbót. Það þarf því eitthvað mikið að gerast til þess að Aron og liðsfélagar hans landi ekki enn einum titlinum.
Victòria molt treballada contra el segon classificat!
— Barça Handbol (@FCBhandbol) April 13, 2021
Barça 35-27 @CDBidasoaIrun
Final! / ¡Acaba el partido!
J26 #LigaSacyrASOBAL
#LiveASOBAL #BARBID
#HandbolLive pic.twitter.com/IB3FLBAtv7