Sú staðreynd að í Kína eru framleiddir heimsklassa rafbílar ætti ekki að koma neinum á óvart. Kínversk fyrirtæki með litla eða enga reynslu í bílasmíði eru að framleiða lúxus og sport rafbíla og þeim virðist ganga vel.
![](https://www.visir.is/i/3927D5D4EB9EE68BA2ACE474F4ED024F0265BA06F2651474E0E6D63B9A9FABF9_713x0.jpg)
Dæmi um það er Zhiji L7, hreinn rafbíll, sportlegur stallbakur sem hefur útlitið með sér. Innra rýmið er smekklegt og hefur ákveðinn framtíðarbrag yfir sér enda lítið annað en háskerpuskjáir. Bíllinn á að koma út snemma á næsta ári.
Þráðlaus hleðsla er klárlega ein af þeim staðreyndum um Zhiji L7 sem eru hvað áhugaverðastar. Það verður áhugavert að fyljast með þeirri þróun sem gæti leitt til þess að bílastæði verða „hleðslustöðvar“ án þess að þurfi að stinga í samband. Hleðslugetan í gegnum þráðlausahleðslu eru 11 KW. Bíllinn á að komast frá kyrrstöðu í 100 km/klst. á 3,9 sekúndum.
![](https://www.visir.is/i/99AA5148D6EC47A3C596CC67007C44341FB62F79828E6CF03339969FA9B8E561_713x0.jpg)
Zhiji L7 mun koma með 93 kWh rafhlöðu til að byrja með sem dregur 615 km. Stærri drifrafhlaða, 118 kWh er væntanleg og með henni á bíllinn að hafa drægni upp á 999 km.