Innblásið af söngvamyndinni Grease

Ritstjórn Albúmm.is skrifar 10. ágúst 2021 14:30

Hér má sjá Elínu spila í myndbandinu við lagið Komdu til baka. Ljósmynd/Ragnhildur Helgadóttir

Tónlistarkonan Elín Hall var að gefa út nýtt lag og myndband sem nefnist Komdu til baka. Lagið er innblásið af söngvamyndinni Grease og má segja að það sé retró popplag sem vitnar í tónlistar stemningu sjötta áratugarins.

Ár er síðan að platan hennar Með öðrum orðum kom út og segir Elín að fyrst núna er hún byrjuð að geta spilað hana að einhverju ráði. Elín segir í viðtali sem var tekið við hana í Fréttablaðinu að skemmtilegast við það að fara út með gítarinn er að hitta nýtt fólk sem hefur verið að hlusta á plötuna hennar í vetur og gefur sér tíma í að koma og sjá hana spila og að hún sé eiginlega alltaf hissa að sjá fólk mæta til að hlusta á sig sem hún hefur ekki séð áður.

Elín fékk Catillac bíl frá sjötta áratugnum lánaðan við tökur á myndbandinu en einnig má sjá Elínu spila á rafmagnsgítar í dragt og hælum. Sjón er sögu ríkari.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.