Lóðirnar hans Skúla í Hvammsvík flugu út

Viðskiptablaðið greinir frá en í frétt blaðsins segir að lóðirnar hafi nánast selt samstundis upp, færri hafi komist að en vildu.

Samkvæmt frétt Viðskiptablaðsins getur hver og einn kaupandi reist allt að 300 fermetra hús á lóðunum sem eru frá hálfum hektara til eins hektara að stærð. Verð á lóðunum var frá sex milljónum króna til fimmtán milljónir króna.

Greint var frá því seint á síðasta ári að Skúli hefði ásamt fjölskyldu sinni hug á því að byggja sjóböð í Hvammsvík. Í viðtali við mbl.is í síðustu viku sagði Skúli að draumurinn væri að byggja þarna upp fyrsta flokks gistingu og ýmsa þjónustu og afþreyingu, þar á meðal veitingastað.