Handbolti

Kristján Örn skoraði níu í öruggum sigri

Hjörtur Leó Guðjónsson skrifar
Kristján Örn átti góðan leik í kvöld.
Kristján Örn átti góðan leik í kvöld. PAUC

Landsliðsmaðurinn Kristján Örn Kristjánsson átti flottan leik í liði PAUC Aix er liðið vann öruggan sjö marka sigur gegn St. Raphael í frönsku úrvalsdeildinni í handbolta í kvöld, 31-25.

Kristján og félagar lögðu grunninn að sigrinum í fyrri hálfleik þar sem að liðið skoraði 21 mark gegn 13 mörkum heimamanna.

Liðsmenn Aix tóku fótinn af bensingjöfinni í seinni hálfleik og unnu að lokum öruggan sjö marka sigur, 31-24, þar sem Kristján skoraði níu mörk úr tólf skotum.

Þetta var fjórði sigur Kristjáns og félaga í röð í frönsku deildinni, en liðið situr í þriðja sæti með 19 stig eftir 12 leiki, fimm stigum á eftir toppliði Paris Saint-Germain, og fimm stigum meira en St. Raphael sem situr í fjórða sæti.

Franski handboltinn

Mest lesið


Fleiri fréttir

Sjá meira


×

Mest lesið