Aron og félagar í átta liða úrslit

Aron Pálmarsson gerði tvö mörk fyrir Álaborg í 31-25 sigri á PPD Zagreb í A-riðli Meistaradeildar Evrópu. Sigurinn þýðir að Álaborg vinnur A-riðilinn með 22 stig, einu stigi meir en Kiel. Álaborg fer því beint í 8-liða úrslit Meistaradeildarinnar.

Haukur Þrastarson komst ekki á blað í 5 marka sigri Vive Kielce gegn Dinamo Bucuresti, 34-29. Kielce er því á toppi B-riðils Meistaradeildarinnar með 20 stig en bæði PSG og Barcelona geta jafnað Kielce af stigum sigri þau leiki sína á morgun. Kielce er því að minnsta kosti öruggt með sæti í 16-liða úrslitum.