Ljósleiðaradeildin í beinni: Dusty getur tryggt sér titilinn

Hjörtur Leó Guðjónsson skrifar 15. mars 2022 20:30

Dusty getur tryggt sér sigur í Ljósleiðaradeildinni í kvöld.

Tveir leikir eru á dagskrá í Ljósleiðaradeildinni í CS:GO í kvöld, en topplið Dusty getur tryggt sér titilinn með sigri gegn XY í síðari viðureign kvöldsins.

Við hefjum þó leik á viðureign Þórs og SAGA esports. Þór er eina liðið sem getur náð Dusty að stigum, en tapi Þórsarar í kvöld þýðir það að sá möguleiki er úr sögunni.

Dusty gæti því verið búið að tryggja titilinn áður en leikur þeirra gegn XY hefst í kvöld. Ef Þórsarar vinna hins vegar sinn leik þá þarf Dusty á sigri að halda til að tryggja sér titilinn þegar liðið á enn eftir að leika tvo leiki.

Ljósleiðaradeildin er í beinni útsendingu á Stöð 2 eSports, en einnig er einfaldlega hægt að horfa á beina útsendingu af Twitch-síðu Rafíþróttasamtaka Íslands í spilaranum hér fyrir neðan.

Ljósleiðaradeildin