Rúmfatnaðurinn skiptir einnig máli og setur mikinn svip á svefnherbergið. Veldu falleg rúmföt sem gleðja augað og úr gæða efnum sem gott er að koma við.
Í Vogue fyrir heimilið fæst mikið úrval sængurfatnaðar frá danska framleiðandanum Södahl. Rúmfötin frá Södahl eru úr 100% lífrænt ræktaðri bómull sem er ýmist damask- eða satínofin. Þau eru einstaklega mjúk viðkomu en Södahl leggur mikla áherslu á gæði og endingu.
Góð regla er að þvo ný rúmföt áður en þau eru sett á og skipta svo um á um það bil viku til tíu daga fresti. Það jafnast ekkert á við tilfinninguna að leggjast til svefns í brakandi hreinum rúmfötum og það hefur jákvæð áhrif á svefninn.
