Borussia Dortmund vann 1-0 sigur á Chelsea í fyrri leik liðanna í 16-liða úrslitum Meistaradeildar Evrópu í kvöld. Seinni leikurinn fer fram á Stamford Bridge eftir þrjár vikur.
Chelsea var sterkara liðið í fyrri hálfleik og skoruðu mark sem dæmt var af vegna hendi á Thiago Silva. Staðan í hálfleik var 0-0 en á 63.mínútu skoraði hinn ungi Karim Adeyemi og kom Dortmund í 1-0 þegar hann stakk Enzo Fernandez af og fór framhjá Kepa Arrizabalaga í markinu áður en hann skoraði.
Chelsea reyndi hvað það gat að jafna metin en allt kom fyrir ekki. Dortmund fagnaði 1-0 sigri og fer með það forskot í síðari leikinn sem verður spilaður á Stamford Bridge þriðjudaginn 7.mars.
Benfica í góðri stöðu
Í Belgíu tók Club Brugge á móti Benfica í hinum leik kvöldsins.
Belgarnir komu mörgum á óvart í riðlakeppninni og tryggðu sér áfram úr sínum riðli en skildu lið Bayer Leverkusen og Atletico Madrid eftir með sárt ennið.
Belgarnir lentu þó í vandræðum í kvöld. Eftir markalausan fyrri hálfleik skoraði Joao Mario úr víti fyrir Benfica á 51.mínútu og David Neres tvöfaldaði forystuna þegar hann skoraði gríðarlega mikilvægt mark tveimur mínútum fyrir leikslok.
Benfica fer því með 2-0 stöðu í síðari leikinn á heimavelli og það gæti reynst þrautin þyngri fyrir belgíska liðið að vinna þann mun upp.
