Virkilega góð byrjun í Eystri Rangá

Hún fer venjulega að gefa fyrstu laxana í opnun og dagana þar á eftir en VeiðiVísi rekur ekki í minni að það hafi verið komnir 20 laxar á fyrstu tveimur dögunum áður.  Einn af þeim sem er búinn að eiga góðan tíma við ána í vikunni og er Björn Hlynur Pétursson sem sendi okkur smá skeyti.

"Eystri hefur heldur betur byrjað með stæl með níu laxa opnun fyrsta daginn og sá næsti með ellefu laxa á land . Dagurinn byrjaði á svæði 4 og ég varð var við lax strax þegar ég tók fyrsta rennslið. Laxinn er ekki mikið að sýna sig en hann dvelur þarna stór og tilbúinn í slaginn. Skemmtilegt að segja frá því að ég fékk þrjá urriða í þessari fyrsta túr mínum í eystri þetta árið og þeim stærsta var landað á Svæði 8 á Heljarstíg. 

Svo var ferðinni haldið í hinn gjöfula stað Moldarhyl sem er nú heldur betur orðinn flottur og búið að bæta hann þvílíkt mikið en það er búið að laga og gera bakkann meira juicy sem auðveldar mikið köstin þar sem bakkastið hefur nú meira rými. Þar fékk ég nýgengna 83 cm hrygnu sem lét mikið fyrir sér hafa og straujaði um allann hylin og niður flúðirnar. Svæði 6 var heldur betur að segja til sín og fékk ég 77cm hrygnu sem tók sinn tíma að leyfa mér að heilsa uppá sig, allt í allt var þetta yndislegur dagur."